သီလခံယူမှုနှင့် ကျင့်သုံးမှု၊ စာရိတ္တသီလနှင့် ဝါရိတ္တသီလ၊ သီလဆောက်တည်မှု လေးနက်ရန်၊ သီလကိုစိတ်ဖြင့် ဆောက်တည်၍ မရ

                        “သည်တစ်ခါ လျှောက်ထားရမှာကတော့ သီလနှင့်ပတ်သက်တဲ့ပြဿနာပါဘုရား”

                        “ဘယ်လိုပြဿနာများလဲကွယ့်၊ ဆိုစမ်းပါဦး”

                        “တစ်နေရာမှာ ဒါယကာတွေ အငြင်းအခုံဖြစ်နေကြတယ်ဘုရာ့၊ ဒါယကာ တစ်ယောက်က သီလ, သမာဓိ, ပညာဆိုတာဟာ သူတစ်ပါးနှင့် မဆက်စပ်ဘူး၊ မိမိနှင့်သာဆက်စပ်တယ်၊ ဒါကြောင့် သီလကို ဘယ်သူ့ထံမှ သွားတောင်းဖို့ မလိုဘူး၊ သီလပေးပါလို့ သွားတောင်းလည်း အတောင်းခံရသူက ရော့ယူတော့လို့ ပေးမဖြစ်ဘူး၊ ကိုယ့်ဘာသကိုယ် ကျင့်သုံးလဆင် သီလပြည့်စုံတာပဲလို့ ပြောတယ် ဘုရာ့၊ ကျန်တဲ့ပုဂ္ဂိုလ်များက သူ့အပြောကိုမကြိုက်ကြဘူး၊ သို့သော်လည်း အဲသည်လူက အပြောကောင်းတော့ သူ့ကိုနိုင်အောင် မပြောနိုင်ကြဘူး၊ တပည့်တော်ထံ စစ်ကူတောင်းကြတယ်၊ တပည့်တော်ကတော့ ဒါဟာ အချက်တစ်ခုပဲလို့ မှတ်လာပြီး ဆရာတော်ကို လျှောက်တာပါပဲ၊ 

တပည့်တော် လျှောက်လိုရင်း ကတော့ -

                        (၁) သီလတရားကို ဘယ်မှာမျှမခံယူဘဲ မိမိဘာသာကျင့်သုံးလို့ ဖြစ်မဖြစ်၊

                        (၂) သီလခံယူဆောက်တည်ရာမှာလည်း ရတနာသုံးပါးထံ မခံယူဘဲ မိမိဘာသာခံယူလို့ ဖြစ်မဖြစ်၊

                   (၃) သီလခံယူပြီး မိမိအိမ်မှာပင် ကျင့်သုံးနေထိုင်လို့ ဖြစ်မဖြစ် ဆိုတာပါပဲ ဘုရား”

                                ပတ်ဝန်းကျင်နှင့် ထိုက်တန်သောတရား

                   “သီလခံယူတာနှင့်ပတ်သက်ပြီး ဘုရားရှင်လက်ထက်တော်က ဝိသာခါ အနာထပိဏ်တို့ကစပြီး ဒကာ ဒကာမများ ဘုရားကျောင်းတော်ကိုသွားပြီး သီလခံယူကြကြောင်း ကျန်းဂန်များမှာ ဖော်ပြထားတယ်၊ ဘုရားရှင်ပရိနိဗ္ဗာန်ဝင်စံတော်မူပြီးတဲ့နောက် ယနေ့တိုင်အောင် ဗုဒ္ဓဘာသာဝင်များဟာ ကျောင်းကန်ဘုရားသွားပြီး သီလခံယူနေကြတာဟာ အထင်အရှားပဲကွယ့်၊ သည်အထဲက သီလဆိုတာ ကျောင်ကန်ဘုရားသွားရောက်ခံယူဖို့ မလိုဘူး၊ ကိုယ့်ဘာသာကိုယ် ကျင့်သုံးလျှင်ပြီးတာပဲလို့ ဆိုနေတာက ရိုးရိုးစိတ်နှင့်ပြောဟန်မတူဘူး၊ အဲသည် ဒါယကာများ နေထိုင်ရာအရပ်ကို တရားထူးတရားဆန်းတွေ ရောက်နေဟန်တူတယ်၊ သူတို့အရပ်မှာ ကျောင်းကန်ဘုရား ရဟန်းသံဃာများနှင့် စည်စည်ပင်ပင်ရှိသေးရဲ့လားကွယ့်”

                   “ဆရာတော်တွေးတာ မှန်တယ်ဘုရား၊  အဲသည်အရပ်မှာ ကျောင်းကန်ဘုရားတွေတော့ ရှိပါသေးတယ်၊ ဘုန်းကြီးတွေတော့ကြာကြာမနေနိုင်ကြတော့ဘူး၊ တစ်ဝါတစ်ပါး၊ နှစ်ဝါတစ်ပါးဆိုသလို ဖြစ်နေကြပြီ၊ အချို့ကျောင်းများမှာ ဘုန်းကြီးပြတ်လို့ ကျောင်းတွေတောင်ပျက်ကုန်ပြီ ဘုရား”

                   “အေး - ဖြစ်ရမယ်လေ၊ အဲသည်အရပ်ဟာ ခေါင်းပါးတဲ့အရပ်မျိုးလည်းဖြစ်လိမ့်မယ်၊ ပစ္စည်းခေါင်းပါးတော့ မပိုလျှံဘူး၊ မပိုလျှံတော့ မပေးလှူနိုင်ဘူး၊ မပေးလှူနိုင်တော့ ပတ်ဝန်းကျင်နှင့်ထိုက်တန်တဲ့အရားမျိုး သူတို့ထံ ရောက်သွားလိမ့်မယ်ကွယ့်”

                   “ပတ်ဝန်းကျင်နှင့်ထိုက်တန်တဲ့တရားဆိုတာ ဘယ်လိုပါလဲဘုရား”

                   “သည်လောကကြီးက ပတ်ဝန်းကျင်နှင့် ဆန့်ကျင်လို့မဖြစ်ဘူး၊ ပတ်ဝန်ကျင်နှင့်အထပ်သင့်ကျင့်မှ ဖြစ်နိုင်တယ်ကွယ့်၊ ခေါင်းပါးတဲ့အရပ်မှာ ဒါနပြုဖို့မလွယ်ဘူး၊ သည်တော့ ဒါနမပြုနိုင်တဲ့အရပ်မှာ အူမ,မတောင့်တော့ သီလ မစောင့်နိုင်ကြဘူး၊ သည်တော့ သီလစောင့်လို့ အကျိုးမရှိဘူးဆိုတဲ့ တရားမျိုးလည်း ထွန်းကားလက်တက်တယ်၊ ဒါနပြုမည့်သူလည်းမရှိ၊ သီလ စောင့်မည့်သူလည်း မရှိတဲ့အရပ်မှာ ဘယ်ဘုန်းကြီးနေလို့ဖြစ်ပါ့မလဲ၊ ဘုန်းကြီးမရှိတဲ့အရပ်မှာနေတဲ့ လူက ဘုန်းကြီးထံ သီလခံယူတာဟာ အဓိပ္ပာယ်မရှိဘူးလို့ပြောတာလည်း ဘာဆန်းတော့သလဲကွယ်၊ ဒါကြောင့် သည်လူကို ဂရုမစိုက်ကြပါစို့လားကွယ်”

                   “မှန်ပါ - သည်လူကိုဂရုစိုက်ဖို့မလိုပါဘူး၊ ဒါပေမယ့် သူ့စကားကတော့ သူတစ်ပါးနားမှာ ဝင်ခိုနေမှာမို့ ရှင်းလင်းချက် ထုတ်ပေးစေချင်ပါတယ် ဘုရား”

                   “အေးကွယ့် - သည်လိုဆိုလည်း ဖြေရှင်းကြသေးတာပေါ့၊ ပထမအမေး ပြဿနာက သီလကိုဘယ်သူ့ထံမှမခံယူဘဲ ကိုယ့်ဘာသာကျင့်သုံးလို့ ဖြစ်မဖြစ် ဟုတ်လား”

                   “မှန်ပါ့ဘုရား”

                                စာရိတ္တသီလနှင့် ဝါရိတ္တသီလ

                   “သီလဆိုတာ စာရိတ္တသီလ, ဝါရိတ္တသီလလို့နှစ်မျိုးရှိတယ်၊ စာရိတ္တသီလဆိုတာ ကျင့်ဝတ်ကိုဟောတယ်၊ မိမိပြုအပ်ပြုထိုက်တဲ့ အမိကျင့်ဝတ် အဖကျင့်ဝတ်, သားသမီးကျင့်ဝတ်စတဲ့ ကျင့်ဝတ်မျိုးကို စာရိတ္တသီလလို့ ခေါ်တယ်၊ စာရိတ္တသီလအရာမှာ သည်ကျင့်ဝတ်ကိုဖြည့်ကျင့်ပါမယ်လို့ ဘယ်သူ့ထံမှ ဝန်ခံတောင်းဆိုမှုပြုဖို့ မလိုဘူး၊ အမှန်တကယ် ပြုကျင့်ရမည့် ဝတ္တရားဖြစ်တယ်၊ မပြုလျှင်အပြစ်ဖြစ်တယ်၊ ဝါရိတ္တသီလအရာမှာတော့ နှစ်မျိုး ခွဲပြီးမှတ်သားသင့်တယ်၊ နှစ်မျိုးဆိုတာ ငါးပါးသီလကို အမှန်တကယ်ရှောင်ကြဉ်ရမည့် သီလမျိုးဖြစ်တယ်၊ ရှစ်ပါးသီလကို ဝါရိတ္တနှင့် စာရိတ္တနှစ်ပါးစုံ ရောနှောနေတာမျိုးရယ်ဖြစ်တယ်၊ ငါးပါးသီလကို ဝါရိတ္တစစ်စစ်ကျတော့ သူတစ်ပါးထံ တောင်းခံသည်ဖြစ်စေ, မတောင်းခံသည်ဖြစ်စေ အမှန်တကယ် လိုက်နာရှောင်ကြည်ရမည့် သီလမျိုးဖြစ်တယ်၊ သည်သဘောကို အမြင်ရှင်းသွားအောင် ဝိရတီသုံးမျိုးနှင့်ရှင်းပြရလျှင် ပိုကောင်းလိမ့်မယ်ထင်တယ်”

                   “မှန်ပါ - ရှင်းပြတော်မူပါ ဘုရား”

                   “ဝါရိတ္တလို့ခေါ်ရတဲ့ ဝိရတီသီလဟာ သုံးမျိုးရှိပါတယ်၊ (၁) သမ္ပတ္တဝိရတီ၊ (၂) သမာဒါနဝိရတီ၊ (၃) သမုစ္ဆေဒဝိရတီ တို့ပေါ့ကွယ်၊  သမ္ပတ္တ ဝိရတီဆိုတာ သီလကို ခံယူဆောက်တည်းထားတာမျိုး မဟုတ်ဘူး၊ ကိစ္စကြုံပါမှ ကျင့်သုံးတဲ့ သီလမျိုးဖြစ်တယ်၊ သမာဒါနဝိရတီမျိုးကတော့ သီလကို ကြိုတင်ခံယူဆောက်တည်ထားတာမျိုး ဖြစ်တယ်၊ သမုဒ္ဆေဒဝိရတီမျိုးကတော့ အရိယာအဖြစ်ရောက်တဲ့အတွက် မကောင်းမှုတရားတွေကို မဂ်ဖြင့် အကြွင်းမဲ့ ပယ်ခွါတာမျိုး ဖြစ်တယ်၊ (ဣတိဝုတ်၊ ဋ္ဌ၊ ၂၂၃)သည် ဝိရတီသုံးမျိုးအနက် သမုဒ္ဆေဒဝိရတိသီလဟာ ပုထုဇဉ်တို့ရဲ့ သီလ မဟုတ်ဘူး၊ အရိယာပုဂ္ဂိုလ်တို့ရဲ့ သီလဖြစ်တယ်၊ ပုထုဇဉ်များရဲ့ သီလနှစ်ပါးမှာ - (၁) သမ္ပတ္တဝိရတီသီလဟာ ခံယူဆောက်တည်ခြင်းမရှိတဲ့ သီလ၊ (၂) သမာဒါနဝိရတီသီလဟာ ခံယူဆောက်တည်တဲ့ သီလဖြစ်တယ်ကွယ့်”      

                   “ခံယူဆောက်တည်တဲ့သီလနှင့် မခံယူ မဆောက်တည်တဲ့ သီလနှစ်ပါး အနက် ဘယ်သီလက သာလွန်ပါသလဲဘုရား”

                   “မေးမှ မေးတက်ပလေကွယ်၊ မခံယူ မဆောက်တည်တဲ့သီလက ကျင့်သုံးခွင့်ကြုံမှ သီလကို ဖြစ်စေတယ်၊ ခံယူဆောက်တည်တဲ့သီလက ခံယူတဲ့ အချိန်က စပြီး သီလကုသိုလ်ဖြစ်နေတာပဲ၊ ဘယ်မှာ တူပါ့မလဲ၊ ခံယူဆောက်တည်ထားတဲ့ သီလက သာလွန်တာပေါ့ကွယ်” 

                   “မှန်ပါ - နားရှင်းပါပြီ၊ ဒုတိယပြဿနာကို အဖြေပေးတော်မူပါဦး”

                                      သီလဆောက်တည်မှု လေးနက်ရန်

                   “ဒုတိယပြဿနာက သီလကို ရတာနာသုံးပါး ဆရာသမားများထံ မခံယူဘဲ မိမိဘာသာ ခံယူဆောက်တည် ကျင့်သုံးလို့ ဖြစ်, မဖြစ် ဟုတ်လား”

  

                   “ဟုတ်ပါတယ် ဘုရား”

                   “သီလ ခံယူဆောက်တည်တဲ့ နေရာမှာတော့ အခြေအနေအရပေါ့ကွယ်၊ ရတနာသုံးပါး ဆရာသမားများနှင့် နီးစပ်လျှင် နီးစပ်ရာမှာ ယူရမယ်၊ မနီးစပ်တဲ့ ဌာနမှာဆိုလျှင်တော့ ရတနာသုံးပါးကို ရည်မှန်းပြီး မိမိဘာသာ သီလဆောက်တည်၊ မိမိဘာသာ သင်္ကန်းဝတ်ဆင်ကြတဲ့ နာလကထေရ်, မဟာကဿပထေရ်တို့လိုပေါ့ကွယ်၊ ဒါကြောင့် တစ်စုံတစ်ဦးထံက သီလမခံယူဘဲ မိမိဘာသာ ခံယူကျင့်သုံး လို့ဖြစ်ပါတယ်၊ သို့သော် ရတနာသုံးပါးထံ ခံယူကျင့်သုံးတာလောက်တော့ မလေးနက်ဘူးပေါ့ကွယ်”

                   “ဘာကြောင့်တုန်း ဘုရား”

                   “အကြောင်းကတော့ ရတနာသုံးပါးထံ လက်အုပ်ချီမိုးရှိခိုးပြီး သီလတောင်းခံ ဆောက်တည်သူမှာ သက်သေနှစ်ဦးရှိတယ်၊ တစ်ဦးကရတနာသုံးပါးဖြစ်ပြီး တစ်ဦးက မိမိဖြစ်တယ်၊ ဒုစရိုက်မှုတစ်ခု ကျူးလွန်ခွင့်ကြုံခဲ့လျှင် မိမိကတော့ ကျူးလွန်မည့်ပုဂ္ဂိုလ်မို့ မိမိအတွက်ငဲ့စရာမလိုဘူး၊ သို့သော် ငါဟာ ယနေ့ ရတာနသုံးပါးထံက သည်ဒုစရိုက်မျိုးမပြုလုပ်ပါဘူးလို့ သီလတောာင်းခံ ဆောက်တည်ထားတယ်၊ တောင်းခံဆောက်တည်ထားပြီးမှ ကျူးလွန်ရန်မသင့်လျှော်ဘူးလို့ ရတနာသုံးပါးတည်းဟူသော သက်သေကိုငဲ့ပြီး ကျူးလွန်လုနီးနီးအဖြစ်ကို ရှောင်ကြဉ်နိုင်တယ်၊ ဒါကြောင့် မိမိဘာသာ ဆောက်တည်တာထက် ရတနာသုံးပါးထံ တောင်းခံဆောက်တည်တာက ပိုပြီး လေးနက်တယ်”

                   “ဥပုသ်သီလနှင့် ပတ်သက်လို့လည်း အမိန့်ရှိပါဦး ဘုရား”

                   “ရှစ်ပါးစသောသီလကို ဥပုသ်သီလလို့ဆိုကြတယ်၊ ဥပုသ်ဆိုတာ ‘ဥပဝသထ=ဥပေါသထ’ ဆိုတဲ့ပုဒ်ကို ခေါ်တာပဲကွယ့်၊ ဥပဝသထဆိုတဲ့ပုဒ်မှာ ဥပ တစ်ပုဒ်၊ ဝသထ တစ်ပုဒ်ရယ်လို့ နှစ်ပုဒ်ပါတယ်၊ ဥပဆိုတဲ့ပုဒ်က ရတနာသုံးပါးထံချဉ်းကပ်တယ်လို့ ဟောတယ်၊ ဝသထပုဒ်က နေထိုင်တယ်လို့ဟောတယ်၊ ပုဒ်နှစ်ခုစပ်လိုက်တော့ ရတနာသုံးပါးအနီး ချဉ်းကပ်နေထိုင်တယ်လို့ အဓိပ္ပာယ်ရတယ်၊ ဒါကြောင့် ဥပုသ်သီလကျတော့ မိမိဘာသာ စိတ်ဖြင့် ဆောက်တည်ခြင်း, အိမ်မှာဆောက်တည်ခြင်း, အိမ်မှာပင်သီလယူပြီး နေလိုက်ခြင်းများဟာ စာဆိုနှင့် မကိုက်ညီချင်ဘူးကွယ့်”

                   “စာက ဘယ်လိုများ ဆိုထားပါသလဲ၊ မိန့်တော်မူပါဦး”

                   “အင်္ဂုတ္တိုရ် တိကနိပါတ်အဋ္ဌာကထာ(ဒု-၁၉၉)မှာ ဥပုသ်သီလခံယူဆောက်တည်ပုံကို ‘တံ ပန ဥပဝသန္တေန၊ သွ ဥပေါသထိကော ဘဝိဿာမီတိ’ စသောအားဖြင့် ဖွင့်ပြထားတယ်၊ အဓိပ္ပာယ်က ဥပုသ်သီလကျင့်သုံးဆောက်တည်လိုတဲ့ ပုဂ္ဂိုလ်ဟာ ဥပုသ်မသုံးမီ ရှေ့တစ်ရက်ကကြိုတင်ပြီး ဘောဇဉ်, ခဲဖွယ်, အစာအာဟာရများကို စီရင်ထားရမယ်၊ ဥပုသ်နေ့ရောက်တဲ့အခါ နံနက်စောစောကပင် ရဟန်းယောက်ျား ရဟန်းမိန်းမထံမှာဖြစ်စေ၊ သီလရဲ့ လက္ခဏာကိုသိတဲ့ ဒါယကာ ဒါယိကာမများထံမှာဖြစ်စေ နှုက်ကမြွက်ဟပြီး ဥပုသ်ဆောက်တည်ရမယ်၊ ဆောက်တည်တဲ့အခါမှာ ပါဠိအစဉ်အရလျှင် တစ်ပါးစီ တစ်ပါးစီ ဆောက်တည်ရမယ်၊ ပါဠိအစဉ်ကိုမရလျှင် ‘ဗုဒ္ဓပညတ္တံ ဥပေါသထံ အဓိဋ္ဌာမိ’ဘုရားရှင်ပညတ်တော်မူအပ်သော သိက္ခာပုဒ်ကို ဆောက်တည်ပါ၏ လို့ တပေါင်းတည်းဆောက်တည်နိုင်တယ်၊ သည်နေရာမှာ သိက္ခာပုဒ်တစ်ပါးစီ တစ်ပါးစီခွဲပြီး ဆောက်တည်ခဲ့လျှင် သိက္ခာပုဒ်တစ်ပါးပျက်ရုံနှင့် ကျန်သိက္ခာပုဒ်များ မပျက်ဘူး၊ တပေါင်းတည်းခံယူဆောက်တည်ခဲ့လျှင်တော့ သိက္ခာပုဒ်တစ်ပါးပျက်စီးလျှင် ကျန်သိက္ခာပုဒ်အားလုံးလည်း ပျက်စီးတက်သတဲ့”

                   “မှန်ပါ - ဥပုသ်သီလခံယူတဲ့နေရာမှာ ရတနာသုံးပါး ဆရာသမားထံ ခံယူဆောက်တည်တာ ကောင်းကြောင်းသိရပါပြီ၊ ရတနာသုံးပါးနှင့် ကင်းဝေးတဲ့ အရပ်ရောက်ခိုက် မိမိဘာသာစိတ်ဖြင့် ခံယူဆောက်တည်လျှင်ကော ဘယ်လိုလဲ ဘုရား”

                                သီလကိုစိတ်ဖြင့် ဆောက်တည်၍ မရ

          “ဥပုသ်သီလခံယူပြီး တချို့မိမိအိမ်မှာသာ ဥပုသ်စောင့်သုံးနေကြတယ်၊ တချို့က ကျောင်းကန်ဘုရားချဉ်းကပ်ပြီး ဥပုသ်စောင့်သုံးကြတယ်၊ သည်နှစ်မျိုးရဲ့ ကွဲပြားချက်ကိုလည်း မိန့်တော်မူပါဦး”

                   “ဥပုသ်သီလဆိုတာ အနာဂါမ်, ရဟန္တာတို့ အပြည့်အဝကျင့်သုံးတဲ့ သီလမျိုးပဲကွယ့်၊ ပုထုဇဉ်နှင့် သေက္ခပုဂ္ဂိုလ်တို့ကအတုယူပြီး ကျင့်သုံးကြခြင်းဖြစ်တယ်၊ သည်အကြောင်းကို တိကင်္ဂုတ္တရပါဠိ ၂၁၁-မှာ ‘သ ခေါ သောဝိသာခေ အရိယသာဝကော ဣတိ ပဋိသဥ္စိက္ခတိ’ စသောအားဖြင့် ဘုရားဟော ရှိတယ်ကွယ့်”

                   “ဘုရားဟေယအဓိပ္ပာယ်ကိုလည်း မိန့်တော်မူပါဦး ဆရာတော်”

                   “ဘုရားဟော အဓိပ္ပာယ်က ဗုဒ္ဓဘာသာဝင် သူတော်စင်ပုဂ္ဂိုလ်ဟာ ရဟန္တာများရဲ့ သီလကို သည်လိုဆင်ခြင်တယ်တဲ့၊ါ် ရဟန္တာပုဂ္ဂိုလ်များဟာ တစ်သက်လုံး သူတစ်ပါးအသက်သတ်ခြင်းမှ ရောင်ကြဉ်တော်မူကြတယ်၊ သူတစ်ပါးဥစ္စာခိုးယူခြင်းမှ ရှောင်ကြဉ်တော်မူကြတယ်၊ အရက်သောက်ခြင်း, ဘိန်းရှုခြင်းမှ ရှောင်ကြဉ်တော်မူကြတယ်၊ ညစာစားခြင်းမှ ရှောင်ကြဉ်တော်မူကြတယ်၊ ကခြင်း, သီခြင်း, တီးမှုတ်ခြငး, ကြည့်ရှု နားထောင်ခြင်း, ပန်းပန်ခြင်း, နံ့သာလိမ်းခြင်းမှ ရှောင်ကြဉ်တော်မူကြတယ်၊ မြင့်သောနေရာ မြတ်သောနေရာမှ ရှောင်ကြဉ်တော်မူကြတယ်၊ ငါလည်းပဲ ဤနေ့ဤရက်ဤလအတွင်း ရဟန္တများကဲ့သို့ ဤရှစ်ပါးသော အင်္ဂါများကို ရှောင်ကြဉ်ပြီး ဥပုသ်ကျင့်သုံးမယ်လို့ ဥပေါသထသီလကို ခံယူကျင့်သုံးခြင်း ဖြစ်ပါသတဲ့၊ သည်စကားရပ်ကို ထောက်သောအားဖြင့် ငါးပါးသီလဆောက်တည်တာက ပကတိသဘောအားဖြင့် ဆောက်တည်ခြင်းဖြစ်တယ်၊ ဥပုသ်သီလဆောက်တည်တာက ရဟန္တာများကိုအတုယူပြီး ရဟန္တာများနှင့်တူအောင် ကျင့်သုံးဆောက်တည်တဲ့အတွက် မိမိအပေါ် ကိလေသာမြူအညစ်အကြေးများ နည်းနိုင်သမျှ နည်းအောင်, ကင်းနိုင်သမျှကင်းအောင် ကျင့်သုံးရမည့် တာဝန်ဝတ္တရားရှိနေတယ်၊ လူတို့ရဲ့ နေအိမ်ဆိုတာ အဆင်း, အသံ, အနံ့ စသော ကိလေသာမြူတွေအလွန် ပေါများတယ်၊ ကျမ်းများက ရဇပထ လို့ ခေါ်တယ်ကွယ့်”

                   “ရဇပထဆိုတာ ဘယ်လိုအဓိပ္ပါယ်ပါလဲ ဘုရား”

                   “ရဇပထဆိုတာ ဖုန်တွေ မြူတွေအလွန်ပေါများတဲ့ လမ်းမကြီးလို့ဆိုလိုတယ်၊ လူတစ်ယောက်ဟာ မိမိခန္ဓာကိုယ်ကို ဘယ်လောက်စင်ကြယ်အောင် တစ်ကိုယ်တော်သန့်ရှင်းရေး လုပ်ထားသည်ပင်ဖြစ်စေ ဖုန်မြူတွေအားကြီးတဲ့ လမ်းမကြီးမှာထိုင်နေလျှင် မကြာမီ ဖုန်တွေပြန်ကပ်ပြီး ညစ်ပတ်ကုန်မှာပဲတဲ့၊ လူသားများရဲ့ အိမ်ဆိုတာလည်း ဖုန်မြူတွေအားကြီးတဲ့ လမ်းမကြီးနှင့် တူသတဲ့၊ အိမ်မှာနေသမျှတော့ ဘယ်လိုပင် စင်ကြယ်အောင်ထိန်းထားသည်ပင်ဖြစ်စေ ကိလေသာမြူတွေ မကြာခဏပြန်ကျလာတက်ပါသတဲ့၊ ဒါကြောင့် ဥပုသ်သီလ ခံယူဆောက်တည်ပြီး အိမ်မှာပြန်နေတာထက် ကျောင်းကန်ဘုရား ရတနာသုံးပါး အနီးမှာနေတာက ပိုပြီးသင့်မြတ်တယ်၊ အဲဒါကြောင့် ရှေးရှေးကစပြီး ယနေ့ တိုင်အောင် ဥပုသ်သီလဆောက်တည်ကျင့်သုံးတဲ့ ပုဂ္ဂိုလ်များက အိမ်ကခွာပြီး ရတာသုံးပါး အနီးအပါးမှာ နေထိုင်ကြတာများပါတယ်”

                   “အကယ်၍ ဥပုသ်သီလခံယူပြီး အိမ်ပြန်နေတော့ ဘယ်လိုဆုံးဖြတ်မှာလဲ ဘုရား”

                   “မိမိကျင့်သုံးတဲ့ ဥပုသ်သီလ မကျိုးမပေါက် အပြောက်မကျားအောင် စောင့်ရှောက်ထိန်းသိမ်းနိုင်တယ်ဆိုလျှင် အိမ်ပြန်ပြီး ဥပုသ်စောင့်လည်း အပြစ်တော့မရှိပါဘူး”

                   “မှန်ပါ - သည်ပြဿနာကတော့ ပြေတန်သလောက်ပါပြီ၊ ဆက်ပြီး လျှောက်ထားစရာ အနည်းငယ်ကျန်နေပါသေးတယ် ဘုရား”

                   “ဘာများကျန်သေးတာလဲ၊ ဆိုစမ်းပါဦး”

***ဆက်ရန်**

ယနေ့ဗုဒ္ဓဝါဒဆိုင်ရာ အမေးအဖြေများ - အမှတ်စဉ်(၂၁) -  ဥပုသ်ချ၍ ညစာစားမှု၊ သစ်ကျုတ်ဥပုသ်၊ ကိုးပါးသီလ

***ကောက်နုတ်ချက်***

နိုင်ငံတော် သြဝါဒါစရိယ၊ မြန်မာစာသြဝါဒါစရိယ

ထီးချိုင့်မြို့ - တည်တောဆရာတော်ဘုရားကြီး

ယနေ့ဗုဒ္ဓဝါဒဆိုင်ရာ အမေးအဖြေများ အတွဲ(၁) (စာမျက်နှာ - ၁၆၂-၁၆၉) မှ ကောက်နုတ်ပူဇော်ပါသည်။

ဤ အမေး-အဖြေ အား ကိုယ်တိုင်ပြန်လည်ရေးသား၍

ထီးချိုင့်မြို့ - တည်တောဆရာတော်ဘုရားကြီး နှင့် တကွ

ဆရာ- အရှင်တေဇာနန္ဒ(Tay Ling) တို့အား ပြန်လည်ကျေးဇူးပြုပူဇော်အပ်ပါသည်။

Tuesday, September 04,2012        10:34 am

(ကပ္ပိယ-မောင်ရဲ)

http://kpymgye.blogspot.com/ 

https://www.facebook.com/yewin.tun.71