ဥပုသ်ချ၍ ညစာစားမှု၊ သစ်ကျုတ်ဥပုသ်၊ မေတ္တာကမ္မဋ္ဌာန်းဖြင့် နေအပ်ပုံ

 ဥပုသ်ချ၍ ညစာစားမှု

                   “အချို့သောပုဂ္ဂိုလ်များဟာ နံနက်အချိန်အခါမှာ ဥပုသ်သီလခံယူဆောက်တည်ပြီး ညနေကျတော့ ထမင်းဆာတယ်ရယ်လို့ ဥပုသ်ကိုချပြီး ညစာစားတက် ကြပါတယ်တဲ့၊ အဲဒါမျိုးကတော့ ဘယ်လိုဆုံးဖြတ်မှာလဲ ဘုရား”

                   “အဲသည် ဥပုသ်သည်မျိုးကျတော့ အလွန်အားနည်းသော ဥပုသ်သည်လို့ ဆိုရမှာပေါ့ကွယ်၊ ဥပုသ်ဆိုတာ ခံယူခြင်းနှင့် ဆောက်တည်ကျင့်သုံးခြင်းရယ်လို့ အပိုင်းနှစ်ပိုင်းရှိတယ်ကွယ့်၊ အဟံ ဘန္တေ တိသရဏေန သဟ အဋ္ဌင်္ဂသမန္နာဂတံ ဥပေါသထသီလံ ဓမ္မံ ယာစာမိ- ဆိုတာ သီလခံယူတဲ့အပိုင်း၊ ပါဏာတိပါတာ ဝေရမဏိသိက္ခာပဒံ သမာဒိယာမိ- ဆိုတာက ဆောက်တည်ကျင့်သုံးတဲ့အပိုင်း ဖြစ်တယ်၊ သီလကို ခံယူရုံသာခံယူပြီး မကျင့်သုံးမဆောက်တည်လျှင် ဘာမျှ အဓိပ္ပာယ်မရှိဘူးကွယ့်၊ သည်နေရာမှာ သမာဒိယာမိ-ဆိုတဲ့စကားရပ်ဟာ အလွန်နက်နဲတယ်၊ အလွန်နက်နဲတဲ့အတွက် မြန်မာပြန်တဲ့အခါ ‘ကျင့်သုံးဆောက်တည်ပါ၏’ လို့ ပြန်ဆိုရတယ်၊ သည်ပြန်ဆိုချက်ရဲ့ အနက်အဓိပ္ပာယ်ကို သေသေချာချာ လေ့လာကြည့်မယ်ဆိုလျှင် ဒကျင့်-သုံး-ဆောက်-တည်’ ရယ်လို့ အက္ခရာလေးလုံးပါသလို အနက်ကလည်း လေးမျိုးထွက်တယ်”

                   “ဘယ်လိုထွက်ပါသလဲ ဘုရား”

                   “သီလခံယူတဲ့ပုဂ္ဂိ်ုလ်ဟာ ရတနာသုံးပါးထံမှာ ဝိကာလဘောဇနာ ဝေရမဏီသိက္ခာပဒံ သမာဓိယာမိ- တပည့်တော်သည် နေ့လွဲညစာစားခြင်းမှ ရှောင်ကြဉ်ခြင်း သိက္ခာပုဒ်ကို ကောင်စွာကျင့်သုံးဆောက်တည်ပါ၏ လို့ နှုတ်မြွတ်ခံယူထားတယ်၊ သည်ခံယူချက်ထဲမှာ -

                   (၁)     ယခုတောင်းခံသောတရားကို ကျင့်ပါ့မယ်၊

                   (၂)     ကျင့်ပြီး သီတင်းသုံးနေထိုင်ပါ့မယ်၊

                   (၃)     ဤတရားကို လုံ့လပြု၍ရှောင်ကြဉ်ပါ့မယ်၊

                   (၄)     ရှောင်ကြဉ်ရန် လေးလေးနက်နက် အဓိဋ္ဌာန်ချထားပါတယ် -

တဲ့၊ သည်အနက်လေးပါးကိုပေါင်းပြီး သမာဒိယာမိ-ကောင်းမွန်စွာ ကျင့်သုံး ဆောက်တည်ပါ၏ လို့ မြန်မာပြန်ထားတယ်၊ မလေးနက်ဘူးလားကွယ့်”

                   “မှန်ပါ - လေးနက်ပါတယ်၊ သို့သော်လည်း သမာဒိယာမိဆိုတဲ့ ပါဠိက သည်အနက်လေးမျိုး ထွက်ပေါ်လာနိုင်ပါသလား ဘုရား”

                   “ပါဠိတစ်ချက် အနက်ဆယ်ထွေဆိုပဲကွယ့်၊ ထွက်ပေါ်လာနိုင်တာပေါ့၊ အမှန်တော့ သမာဒိယာမိဆိုတဲ့ ပုဒ်ကလည်း စပ်ထားလို့သာ တစ်ပုဒ်တည်းဆိုရတာကိုး၊ တစ်ပုဒ်စီခွဲလိုက်လျှင် သံ-တစ်ပုဒ်၊ အာ-တစ်ပုဒ်၊ ဒါ-ဓာတ်ကတစ်ပုဒ်၊ ယ-ပစ္စည်းကတစ်ပုဒ်၊ မိ-ဝိဘက်ကတစ်ပုဒ်၊ အဲလိုပုဒ်တွေ အများကြီး ပြားလာတယ်၊ ဒါ-ဓာတ်ဟာ သူ့ချည်းသီးသန့်ဆိုလျှင် များသောအားဖြင့် ပေးကမ်းစွန့်ကြဲခြင်းဆိုတဲ့ အနက်ကို ဟောတယ်၊ ဓာတ်နက်ရသလောက် ထုတ်မယ်ဆိုလျှင်တော့ ‘ဒါ-ဒါန, သောဓန, သုဒ, ဆေဒ, ရက္ခာ, ပလာယနော, မတာပေသု’ ဆိုတဲ့အတိုင်း ပေးခြင်း, သုတ်သင်ခြင်း, စင်ကြယ်ခြင်း, ဖြတ်ခြင်း, စောင့်ရှောက်ခြင်း,  ပြေးသွားခြင်း, ပူပန်ခြင်း စသော အနက်များကို ဟောတယ်၊ ဒါ-ဓာတ်ရဲ့ ရှေ့မှာ အာဆိုတဲ့ ဥပသာရပုဒ် ရှိခဲ့လျှင် အာဒါနံ - ယူခြင်းအနက်ကို ဟောတယ်၊ သမာဒိယာမိ - ဆိုတဲ့ ပုဒ်ကျတော့ အာချည်း ရှေးရှိတာ မဟုတ်ဘူး၊ သံ - ရော အာ-ရော ရှေးရှိနေတယ်၊ ဒါကြောင့် ဒါဓာတ်ဟာ သူ့ရဲ့ အနက်ကို မဟောနိုင်တော့ဘဲ ‘ကောင်းမွန်စွာ ကျင့်သုံးဆောက်တည်’ ဆိုတဲ့ ဝိသေသနက်ကို ဟောရတယ် ကွယ့်”

                   “မှန်ပါ - မိန့်တော်မူပါဦးဘုရား”

                   “ဥပုသ်သီလ ခံယူသူဟာ သည်မျှလောက် လေးနက်တဲ့ စကားလုံးနှင့် ရတနာသုံးပါးအထံမှာ ဝန်ခံထားပြီးတော့ ဝန်ခံတဲ့အတိုင်း မလိုက်နာဘူးဆိုလျှင် ဘယ်မှာ သင့်လျှော်ပါ့မလဲ၊ ဥပုသ် ကျင့်သုံးတယ်ဆိုတာ မိမိကိုယ်မှာ ဖြစ်ပွားနေတဲ့ ကိလေသာ အညစ်အကြေးတွေကို တက်နိုင်သလောက်ကို ပယ်သတ်တာပဲကွယ့်၊ ပါးစပ်က လူကြားကောင်းအောင် ပယ်ခွါပါ့မယ် ဝန်ခံပြီး လွန်ကျူး ဖွယ်ဝတ္ထုနှင့် တွေ့တော့ ဝန်ခံသလို မပယ်ခွာဘဲ ပြုကျင့်တယ်ဆိုလျှင် လောကအမြင်နှင့်ပင် အလွန် အောက်တန်းကျတဲ့သူ ဖြစ်သွားပြီ၊ ယုံကြည်ထိုက်သူ မဟုတ်တော့ဘူး၊ သစ္စာရေသောက်ရင်း သေးပေါက်ရင်းဆိုသလို ဖြစ်နေပြီ”

                   “မအောင့်နိုင်လို့ ညစာလေး စားမိရုံနှင့် သည်လောက် မဆိုသင့်ဘူး ထင်ပါရဲ့ ဘုရား”

                   “ဆိုသင့်တာပေါ့ကွယ်၊ ဘယ်မှာ မဆိုသင့်ဘဲရှိပါ့မလဲ၊ ဦးပဉ္စင်း စဉ်းစားကြည့်၊ သူဟာ မအောင့်နိုင်လို့ ညစာကို စားပါသတဲ့၊ ညစာလေးကိုတောင်သည်းခံပြီး အောင့်မထားနိုင်လျှင် သူဟာ သတ်ချင်စိတ် ပေါ်လာလျှင်လည်း သတ်မှာပဲ၊ ခိုးချင်စိတ် ပေါ်လာလျှင်လည်း ခိုးမှာပဲ၊ မေထုန်မှီဝဲချင်စိတ် ပေါ်လာလျှင်လည်း မှီဝဲမှာပဲ၊ လိမ်ချင်လည်း လိမ်မှာပဲ၊ အရက်သောက်ချင်းလည်း သောက်မှာပဲ၊ ဘိန်းရှူချင်းလည်း ရှူမှာပဲ၊ သည်တော့ သူစောင့်ရှောက်ကျင့်သုံးတာဟာ ဘာကျန်ပါ့မလဲ၊ ဘာမျှကျန်မှာမဟုတ်ပါဘူး၊ ဒါကြောင့် သည်လို ဥပုသ်မျိုးကျတော့ အလွန်ပေါ့သော သစ်ကျုတ်ဥပုသ်လို့ ဘုရားရှင် ဟောတော်မူတယ်ကွယ့်”

                   “ဘယ်မှာဟောကပါသလဲ ဘုရား၊ အမိန့်ရှိပါဦး”

                   “နာချင်လည်း ပြောရသေးတာပေါ့ကွယ်၊ သစ်ကျုတ်ဥပုသ်က သည်လိုတဲ့

                                                                         သစ်ကျုတ်ဥပုသ်

                   ရှေးက ဗာရာဏသီပြည် ဗြဟ္မဒတ်မင်းလက်ထက်မှာ ဘုရားလောင်းဟာ သိကြားမင်းဖြစ်သတဲ့၊ တစ်နေ့တော့ သစ်ကျုတ်တစ်ကောင်ဟာ ဂင်္ဂါမြစ်ကမ်းကျောက်ဖျာမှာ အိပ်နေသတဲ့၊ သူအိပ်နေတုန်း အင်္ဂါမြစ်ရေတွေ တအားကိုတက်လာပြီး ကျောက်ဖျာအပြင်ကို ရေလာဝိုင်းတယ်၊ သစ်ကျုတ်ဟာ အိပ်စက်ရာကနိုးလို့ ကြည့်လိုက်တော့ ရေတွေ ပတ်လည်ဝိုင်းနေတာကို မြင်တယ်၊ သည်အခါ သစ်ကျုတ်မှာ အကြံဖြစ်သတဲ့၊ ရေတွေက ဘယ်မှသွားမဖြစ်အောင် ဝိုင်းနေပြီ၊ သည်ရေတွေ မကျမချင်း ဘယ်ကမှ အစာရဖို့မမြင်ဘူး၊ သည်တော့ အချည်းနှီးမဖြစ်ရအောင် ငါဟာ ဥပုသ်စောင့်မှတော်မယ်လို့ သည်လိုအကြံကောင်းရပြီး သည်ယနေ့ အင်္ဂါရှစ်ပါးနှင့်ပြည့်စုံသော ဥပုသ်သီလကို ကောင်းမွန်စွာ ကျင့်သုံးဆောက်တည်ပါ၏လို့ သီလခံယူပြီး အိပ်သတဲ့။

                   သည်အကြောင်းကို အလောင်းတော်သိကြားမင်းသိလေတော့ သစ်ကျုတ်ရဲ့ သီလခိုင်မာမှု ရှိမရှိ စုံစမ်းမယ်လို့ ဆိတ်အယောင်ဆောင်ပြီး သစ်ကျုတ်အိပ်စက်ရာ ကျောက်ဖျာအနီးချဉ်းကပ်လာသတဲ့၊ ချဉ်းကပ်လာတဲ့ဆိတ်ကို သစ်ကျုတ်က မြင်လေတော့ သည်ယနေ့ ဘာမျှစားရပုံမပေါ်လို့ ငါဥပုသ်စောင့်နေလိုက်တာ စားရဖို့ကံကြုံတော့ ဆိတ်က ငါ့အနားရောက်လာပါလား၊ ဥပုသ်ဆိုတာ ဘယ်နေ့စောင့်စောင့်ဖြစ်တာကပဲ၊ သည်ယနေ့တော့ ဥပုသ်ဖျက်ပြီး ဆိတ်ကို တွယ်မှတော်မယ်လို့ ဆိတ်ကိုဖမ်းရအောင် အိပ်ရာကထလိုက်သတဲ့၊ သစ်ကျုတ်ထတော့ ဆိတ်ကအဖမ်းမခံဘဲ တစ်ဘက်ကိုပြန်ကူးပြေးတယ်၊ သစ်ကျုတ်ဟာ ဆိတ်ကို မဖမ်းနိုင်လေတော့ အင်း - တော်သေးရဲ့၊ တော်သေးရဲ့၊ င့ါသီလ မပျက်သေးဘူးလို့ဆိုပြီး ပြန်အိပ်သတဲ့၊ သည်အခါ သိကြားမင်းက ကိုယ်ထင်ပြပြီး ဟဲ့ - သစ်ကျုတ်၊ နင်ဟာ သည်လို ပေါ့ပေါ့လျော့လျော့ ဥပုသ်စောင့်လို့ ဘာအကျိုးရှိမလဲလို့ ကဲ့ရဲ့ပြီး နတ်ပြည်ကို ပြန်သွားသတဲ့၊ သည်အကြောင်းနှင့်ပတ်သက်လို့ ဘုရားရှင်က ‘ဧဝမေဝ - ဤသစ်ကျုတ်အတူသာလျှင်၊ ဣဓ - ဤသာသနာတော်၌၊ ဧကစ္စေ - အချို့ကုန်သောသူတို့သည်၊ သမာဒါနမှိ - ကောင်းစွာ ကျင့်သုံးဆောက်တည်အပ်သော သီလ၌၊ ဒုဗ္ဗလာ - အားနည်းကုန်ဖြစ်၍၊ အဇာကာရဏာ - ဆိတ်ဟူသော အကြောင်းကြောင့်၊ ဝကောဣဝ- သစ်ကျုတ်ကဲ့သို့၊ အတ္တာနံ - မိမိကိုယ်ကို၊ လဟုံ - ပေါ့သည်ကို၊ ကရောန္တိ - ပြုကုန်၏’ လို့ ဟောတော်မူထားတယ်၊ ဒါကြောင့် သီလစောင့်ရှောက် ထိန်းသိမ်းတယ်ဆိုတာ ယုံယုံကြည်ကြည် လေးလေးနက်နက် ခံယူ ကျင့်သုံး ဆောက်တည်ပါမှ အကျိုးကြီးမားတယ်၊ ဝတ်ကျေ ဝတ်ကုန် ခံယူ ဆောက်တည်တာမျိုးကတော့ သစ်ကျုတ်သီလမျိုးမို့ အကျိုးမကြီးဘူးကွယ့်”

                   “မှန်ပါ - လေးလေးနက်နက် သီလတရား ကျင့်သုံး ဆောက်တည်နိုင်အောင် ဘယ်လို လုပ်ရမှာတဲ့လဲ ဘုရား”

                   “မူလပဏ္ဏာသ အဋ္ဌကထာ အာကင်္ခေယျသုတ်အဖွင့်မှာ ‘ဒွီဟိ ကာရဏေဟိ သမ္ပန္နသီလတာ ဟောတိ’စသည်ဖြင့် ဖွင့်ဆိုပြတဲ့အတိုင်း သီလပျက်စီးလျှင် ဘယ်လောက် အကျိုးယုတ်စေနိုင်တယ်၊ သီလပြည့်စုံလျှင် ဘယ်လောက် အကျိုးကြီးတယ်ဆိုတာ ဉာဏ်ထဲမှာ ထင်လာအောင်, စိတ်ထဲမှာ စွဲဝင်လာအောင် ဆင်ခြင် တွေးတောနိုင်လျှင် သီလကို လုံခြုံအောင် ထိန်းသိမ်း စောင့်ရှောက်နိုင်တယ်၊ သီလရဲ့ အကျိုးအပြစ်ကို မသိ၊ သူတစ်ပါးစောင့်လို့ စောင့်ရတဲ့သီလမျိုး ကတော့ ပျက်စီးခွင့် မကြုံခင်သာ တည်ပြီး ပျက်စီးခွင့်ကြုံလျှင် ပျက်စီးသွားတက်တယ်ကွယ့်”

                   “မှန်ပါ - သည်လောက် သိရတဲ့အတွက် အလွန် ဝမ်းမြောက်ပါတယ် ဘုရား”

                                                            ကိုးပါးသီလ

                   “ဥပုသ်သီလနှင့်ဆက်ပြီး ကိုးပါး သီလကိုလည်း လျှောက်ထားချင်ပါသေးတယ် ဘုရား”

                   “လျှောက်စေဗျား - လျှောက်စေဗျား”

                   “အချို့သောပုဂ္ဂိုလ်များက ကိုးပါးသီလဟာ အလွန်အကျိုးကြီးတယ်၊ အလွန်တန်ခိုးကြီးတယ်၊ ဒါကြောင့် ကိုးပါးသီလကို စောင့်ရှောက်ထိန်းသိမ်း သင့်ကြောင်း ဟောပြောကြတယ်ဘုရား၊ အချို့သော ပုဂ္ဂိုလ်များကတော့ ကိုးပါးသီလအတွင်း ပါဝင်တဲ့ မေတ္တာတရားဟာ သီလမျိုးမဟုတ်ဘူး၊ သမာဓိမျိုးဖြစ်တယ်၊ သမာဓိမျိုးဖြစ်တဲ့မေတ္တာကို သီလအတွင်းထည့်သွင်းပြီး မခံယူမဆောက်တည်ကောင်းဘူးလို့ ပြောကြတယ်၊ သည်အပြောနှစ်မျိုးအနက် ဘယ်အပြောကမှန်တယ်ဆိုတာ အဖြေသိလိုပါတယ် အရှင်ဘုရား”

                   “ကိုးပါးသီလဆိုတာ သာမန်ပညာရှင်တစ်ဦးက တီထွင်ဆန်းသစ်ထားတဲ့ သီလမဟုတ်ဘူး၊ အင်္ဂုတ္တရ နိဝကနိပါတ် သီဟနာဒဝဂ် ၁၉၂-မှာ ဘုရားရှင်ကိုယ်တော်တိုင် ဟောကြားတော်မူတဲ့ သီလဖြစ်တယ်ကွယ့်၊ ဘုရားရှင်က‘ရဟန်းတို့ - အင်္ဂါကိုးပါးနှင့်ပြည့်စုံသော ဥပုသ်သည် အကျိုးအာနိသင်ကြီး၏၊ တန်းခိုးကြီး၏၊ ကြီးသောပျံ့နှံ့ခြင်း ရှိ၏ လို့ ဟောထားတယ်၊ သည်လိုဟောထားတော်မူတဲ့အတွက် ကိုးပါးသီလဟာ ခံယူကျင့်သုံးကောင်းသော သီလဖြစ်ကြောင်း ထင်ရှားတယ်၊ သို့သော်လည်း ကိုးပါးသီလအဆုံးမှာပါဝင်တဲ့ မေတ္တာတရားဟာ ရှစ်ပါးသီလမှာပါဝင်တဲ့ အခြားသိက္ခာပုဒ်များကို ကျင့်သုံးဆောက်တည်တဲ့အခါ သည်အမှုတွေကို မပြုလုပ်ပါဘူးလို့ ကျင့်သုံးဆောက်တည်းတယ်၊ နောက်ဆုံး မေတ္တာတရားကျတော့ မေတ္တာနှင့်ယှဉ်သောစိတ်ဖြင့် ပျံ့နှံ့၍နေပါ့မယ်၊  သတ္တဝါများအပေါ် မေတ္တာစိတ်ထားပါ့မယ်လို့ ကျင့်သုံးဆောက်တည်တည်၊ သည်လိုကျင့်သုံးဆောက်တည်ပုံချင်း ဆန့်ကျင်နေရခြင်းဟာ သီလနှင့် သမာဓိ ကွဲပြားတဲ့အတွက်ဖြစ်တယ်၊ သီလဆိုတာ ကာယကံမှု, ဝစီကံမှုကိုသာ စောင့်ရှောက်တယ်၊ သီလအတွင်းမှာ မနောကံမပါဘူး၊ မေတ္တာတရားက ကာယကံ, ဝစီကံမဟုတ်ဘူး၊ မနောကံဖြစ်တယ်၊ ဒါကြောင့် ကိုးပါးသီလကို ဘုရားရှင်ဟောတော်မူတာမှန်သော်လည်း ခံယူရာမှာ ရှစ်ပါးသီလကိုသာခံယူပြီး ကျင့်သုံးတဲ့အခါကျမှသာ ကမ္မဋ္ဌာန်းကို စီးဖြန်းပြီး နေထိုင်သင့်တယ်ကွယ့်”

                                                     မေတ္တာကမ္မဋ္ဌာန်းဖြင့် နေအပ်ပုံ

                   “ဘုရားရှင်က နဝင်္ဂဥပုသ်လို့ ဟောထားပါလျက်နှင့် ကိုးပါးသီလရယ်လို့ သီးသန့်မယူဘဲ ရှစ်ပါးသီလခံယူပြီးမေတ္တာနှင့် နေရမယ်ဆိုတဲ့ အဆုံးအဖြတ်ဟာ  စိတ်ထဲမှာသိပ်ဘဝင်မကျအောင် ဖြစ်နေပါတယ်၊ ထပ်ဆင့်ပြီး ဖြေနိုင်လျှင် ဖြေပေးတော်မူပါဦးဘုရား”

                   “အင်္ဂုတ္တရ နဝကနိပါတ်ကလာတဲ့ နဝင်္ဂုပေါသထသုတ်ကို သေသေချာချာလေ့လာကြည့်ကွယ့်၊ သူ့အသက်ကိုသတ်မှု, သူ့ဥစ္စာခိုးမှုစသော သိက္ခာပုဒ်ရှစ်ပါးရှောင်ကြဉ်ပုံကို ‘ဣမိနာမင်္ဂေန အရဟတံ အနုကရောမိ၊ ဥပေါသထော စ မေ ဥပဝုတ္ထော ဘဝိဿတီတိ၊ ဣမိနာ အဋ္ဌမေန အင်္ဂေန သမန္နာဂတော ဟောတိ’ လို့ ဥပေါသထသဒ္ဒါ အထူးထည့်ပြီး ဟောတော်မူတယ်၊ နောက်ဆုံး မေတ္တာတရားကျတော့ ‘ဣမိနာ နဝမေန အင်္ဂေန သမန္နာဂတော ဟောတိ’ လို့ ဥပေါသထသဒ္ဒါ မထည့်ဘဲ ဟောတော်မူထားတယ်၊ သည်ဟာကိုထောက်လို့ ဥပေါသထသဒ္ဒါ မထည့်ဘဲ ဟောတော်မူထားတယ်၊ သည်ဟာကိုထောက်လို့ ကိုးပါးသီလဟူ၍ သီးသန့်မခံယူဘဲ ရှစ်ပါးသီလခံယူပြီး မေတ္တာစိတ်နှင့်နေတာကိုပင် နဝင်္ဂဥပုသ်ခေါ်တယ်လို့ သိသင့်တယ်ကွယ့်”

                   “သည်မျှနှင့်တော့ နားမရှင်းဘူးဘုရား၊ သည်အတိုင်းသာဆိုလျှင် ရှစ်ပါးသီလခံယူပြီး အသုဘစသောကမ္မဋ္ဌာန်းများ ပွားများနေထိုင်လျှင်ကော မဖြစ်ဘူးလားဘုရား၊ ဖြစ်ခဲ့လျှင် အဲဒါကိုလည်း နဝင်္ဂဥပုသ်လို့ပဲ ခေါ်ရမလားလို့ စိတ်ထဲမှာ သံသယဝင်လာတယ် ဘုရား”

                   “ဗုဒ္ဓရဲ့ အဆုံးအမတော်ကို လိုက်နာနိုင်စွမ်းရှိတဲ့ ပုဂ္ဂိုလ်ကို ‘ဝေနေယျပုဂ္ဂိုလ်’ လို့ ခေါ်ရတယ်၊ ဝေနေယျပုဂ္ဂိုလ်ဟာ ယခုဘဝမှ ဗုဒ္ဓသာသနာနော်နှင့် ကြုံတွေ့ဖူးတဲ့ ပုဂ္ဂိုလ်မျိုးမဟုတ်ဘူး၊ ရှေးရှေးသောဘဝတို့က ရှေးရှေးဘုရားရှင်တို့ရဲ့ သာသနာတော်နှင့်လည်း ကြုံတွေ့ခဲ့ဖူးသူဖြစ်တဲ့အတိုင်း ဘုရားရှင်တို့ရဲ့ အဆုံးအမ တရားတော်များကို ကျင့်ကြံပွားများ အားထုတ်ခဲ့ဖူးတဲ့ ပုဂ္ဂိုလ်ဖြစ်တယ်၊ အဲသည်ပုဂ္ဂိုလ်ဟာ တစ်စုံတစ်ခုသောကမ္မဋ္ဌာန်းကို စီးဖြန်းပွားများအားထုတ်ခဲ့ဖူးတဲ့အတွက် အဲသည်ကမ္မဋ္ဌာန်းဟာ သူ့ရဲ့သန္တာန်မှာစွဲထင်နေတယ်၊ အဲသည်စွဲထင်နေတဲ့ လွန်ကဲသောအလိုဆန္ဒကို ‘အဇ္ဈာသယ’ လို့  ခေါ်တယ်၊ ယောဂီပ္ဂုိုလ်တစ်ဦးဟာ ရှေးဘဝက မေတ္တာကမ္မဋ္ဌာန်းစီးဖြန်းပွားများမှု အားကောင်းခဲ့တဲ့အတွက် မေတ္တာအဇ္ဈာသယဓာတ် လွန်ကဲနေလျှင် ယခုဘဝ ဗုဒ္ဓသာသနာတော်မှာ ဗုဒ္ဓဘာသာဝင်ပုဂ္ဂိုလ်တစ်ယောက်အဖြစ်ဖြင့် ရိုးရိုးဥပုသ်သီလခံယူဆောက်တည်ရုံမျှနှင့် အားမရဘူး၊ ပေါ့ဆဆဖြစ်နေတက်တယ်၊ အဲသည်ပုဂ္ဂိုလ်မျိုးအတွက်ရည်ရွယ်ပြီး ဘုရားရှင်က ရှစ်ပါးသီလမှာ မေတ္တာကမ္မဋ္ဌာန်းကို ထည့်ပြီး ကိုးပါးသီလရယ်လို့ ဟောတော်မူတာတဲ့၊ သည်အကြောင်းကို အင်္ဂုတ္တရအဓကထာမှာ ‘ဝေနေယျဇ္ဈာသယဝသေန မေတ္တာဘာဝနံ ပက္ခိပိတွာ နဝင်္ဂသမန္နာဂတောတိ ဝုတ္တံ’ လို့ ဖွင့်ပြထားတယ်ကွယ့်”

                   “မေတ္တာအဇ္ဈာသယ ပုဂ္ဂိုလ်အတွက် မေတ္တာကို ထည့်ပြီး ကိုးပါးသီလ ပညတ်နိုင်သလို ကျန်သောကမ္မဋ္ဌာန်းများမှာ အဇ္ဈာသယ အားကောင်းသော ပုဂ္ဂိုလ်များလည်း မိမိတို့အားသန်ရာ အဇ္ဈာသယအားလျော်စွာ ကမ္မဋ္ဌာန်းကို ထည့်ပြီး ကိုးပါးသီလခံယူလျှင်လည်း ဖြစ်နိုင်မှာပေါ့ဘုရား”

                   “အခုပြောဆိုခဲ့တဲ့ စကားထဲမှာ ကိုးပါးသီလရယ်လို့ သီးခြားခံယူရမှာ မပါဘူးနော်၊ ရှစ်ပါးသီလ ခံယူကျင့်သုံးနေတဲ့ရက်လအတွင်း မေတ္တာနှင့်နေပါ့မယ်လို့ ဝန်ခံလျက် ဆောက်တည်ချက်သာပါတယ်၊ သည်နည်းအတိုင်း သီလခံယူပြီး သီလရက်အတွင်း အသုဘကမ္မဋ္ဌာန်း စီးဖြန်းနေထိုင်ပါ့မယ်၊ အာနာပါန ကမ္မဋ္ဌာန်းစီးဖြန်းနေထိုင်ပါ့မယ်လို့ ဆောက်တည်ကျင့်သုံးနေထိုင်လျှင်လည်း ဖြစ်နိုင်ပါတယ်”

                   “မှန်ပါ - နည်းနည်းအဓိပ္ပာယ်ပေါက်ခဲ့ပါပြီ ဘုရား၊ သို့သော်လည်း ယခုအခါမှာ ကိုးပါးသီလနှင့် ပတ်သက်ပြီး ဆရာတော်မိန့်သလို ရှစ်ပါးသီလခံယူပြီး မေတ္တာကမဋ္ဌာန်းကို ဆောက်တည်ရုံမျှမဟုတ်ပါဘူးဘုရား၊ ‘အဟံ ဘန္တေ တိသရဏေန သဟ နဝင်္ဂသမန္နာဂတံ ဥပေါသထသီလံ ဓမ္မံယာစာမိ အနုဂ္ဂဟံ ကတွာ သီလံ ဒေထ မေ ဘန္တေ’ လို့ နှုတ်မြွတ်ပြီး  တောင်းခံကြတယ်၊ ဆောက်တည်ရာမှာလည်း ‘မေတ္တာသဟဂတေန စေတသာ သဗ္ဗပါဏဘူတေသု ဖရိတွာ ဝိဟရဏံ သမာဒိယာမိ’ လို့ ဆောက်တည်ကြပါတယ်၊ မေတ္တာကမ္မဋ္ဌာန်းကို သီလနှင့်ရောပြီး သည်လိုဆောက်တည်တဲ့အတွက် အပြစ်ရှိပါသလား ဘုရား”

                   “အပြစ်ဆိုတာ ဘာကို ဆိုလိုတာလဲကွယ့်”

                   “မှန်ပါ - လောကပြစ်, သံသရာပြစ်ကို ဆိုလိုပါတယ် ဘုရား”

                   “သည်မှာကွယ့် - အပြစ်ဆိုတာ တရားကိုယ်အရ ကောက်လိုက်တော့ မိမိသန္တာန်မှာ ဖြစ်ပွားတဲ့ လောဘတရား, ဒေါသတရား, မောဟတရားများ ဖြစ်ကြတယ်၊ မိမိသန္တာန်မှာ လေဘ, ဒေါသ, မောဟ ဆိုတဲ့ အကုသိုလ်တရား ဖြစ်ပွားခဲ့လျှင် လောကမှာလည်း အပြစ်ရှိတာပဲ၊ သံသရာမှာလည်း အပြစ်ရှိတာပဲပေ့ါ၊ နဝင်္ဂသီလကိုကျင့်သုံးဆောက်တည်တဲ့အတွက် ဆောက်တည်သူရဲ့သန္တာန်မှာ ကုသိုလ်ဖြစ်သင့်သလား၊ အကုသိုလ်ဖြစ်သင့်သလား စဉ်းစားပြီးဖြေစမ်းပါ”

                   “မှန်ပါ - စဉ်းစားကြည့်လိုက်တော့ သီလခံယူဆောက်တည်ကျင့်သုံးတဲ့တွက် အကုသိုလ်တော့မဖြစ်သင့်ဘူး၊ ကုသိုလ်သာဖြစ်သင့်တယ်လို့ ယူဆပါတယ် ဘုရား”

                   “နဝင်္ဂသီလ ခံယူကျင့်သုံးဆောက်တည်တဲ့အတွက် အကုသိုလ်မဖြစ်ဘူး၊ ကုသိုလ်ဖြစ်တယ်ဆိုလျှင် အပြစ်မရှိဘူး၊ အကျိုးသာရှိတယ်လို့ မှတ်သင့်တာပေါ့၊ တစ်နည်းပြောကြစို့ဆိုလျှင် သီလကိုသာ တောင်းခံကျင့်သုံးသင့်တာ မဟုတ်ဘူး၊ သမာဓိမျိုး, ပညာမျိုးဖြစ်တဲ့ ကမ္မဋ္ဌာန်းတရားဟာည်း တောင်းခံကျင့်သုံးသင့်တဲ့တရားပါပဲ၊ ဘုရားရှင်လက်ထက်တော်က တောရမထေရ်တွေဟာ ဘုရားရှင်ထံက ကမ္မဋ္ဌာန်းတောင်းခံပြီး တောအရပ်မှာ ကျင့်သုံးဆောက်တော်မူကြကြောင်း ကျမ်းလာစကားရှိပါတယ်၊ ယခုအခါ ယောဂီပုဂ္ဂိုလ်များလည်း ကမ္မဋ္ဌာန်းပြဆရာထံမှာ ကမ္မဋ္ဌာန်းတောင်းခံပြီး သင့်လျောက်ရာဌာနမှာ ကျင့်သုံးထားထုတ်ကြတယ်၊ ဒါကြောင့် ရှစ်ပါးသီလနှင့်ရောပြီး မေတ္တာကမ္မဋ္ဌာန်းတောင်းခံ ဆောက်တည်တဲ့အတွက် ဘာအပြစ်မှမဖြစ်ပါဘူး၊ အပြစ်မဖြစ်တဲ့အပြင် သည်ယနေ့ ဥပုသ်မှာ ငါဟာ ရတနာသုံးပါးထံက မေတ္တာကမ္မဋ္ဌာန်းစီးဖြန်း ပွားများပါ့မယ်လို့ ကတိခံယူထားတယ်၊ ခံယူချက်နှင့်ညီအောင် မေတ္တာကမ္မဋ္ဌာန်း စီးဖြန်းပွားများနိုင်တဲ့အတွက် အလွန်ကျေးဇူးများကြောင်း သတိထားသင့်ကြတာပေါ့ကွယ်”

                   “မှန်ပါ - ဝမ်းသာလှပါပြီ ဘုရား၊ သာဓု - သာဓု - သာဓု”  

***ဆက်ရန်**

ယနေ့ဗုဒ္ဓဝါဒဆိုင်ရာ အမေးအဖြေများ - အမှတ်စဉ်(၂၂) -  ကာလပရိယန္တသီလ

***ကောက်နုတ်ချက်***

နိုင်ငံတော် သြဝါဒါစရိယ၊ မြန်မာစာသြဝါဒါစရိယ

ထီးချိုင့်မြို့ - တည်တောဆရာတော်ဘုရားကြီး

ယနေ့ဗုဒ္ဓဝါဒဆိုင်ရာ အမေးအဖြေများ အတွဲ(၁) (စာမျက်နှာ - ၁၇၀-၁၇၇) မှ ကောက်နုတ်ပူဇော်ပါသည်။

ဤ အမေး-အဖြေ အား ကိုယ်တိုင်ပြန်လည်ရေးသား၍

ထီးချိုင့်မြို့ - တည်တောဆရာတော်ဘုရားကြီး နှင့် တကွ

ဆရာ- အရှင်တေဇာနန္ဒ(Tay Ling) တို့အား ပြန်လည်ကျေးဇူးပြုပူဇော်အပ်ပါသည်။

(ကပ္ပိယ-မောင်ရဲ)

https://www.facebook.com/yewin.tun.71

http://kpymgye.blogspot.com/

Monday, September 10,2012        11:44 am