အံသကိုဋ်နှင့် လုံကွင်း

                   “သင်္ကန်းနှင့်ပတ်သက်ပြီး ဆက်လက်လျှောက်ထားဖို့ ကျန်ပါသေးတယ် ဘုရား”

                   “ဆိုစမ်းပါဦး၊ ဘာများကျန်သေးတုန်း”

                   “ကသာမြို့နယ် သမ္မုတိရဝန်ဆောင်ဆရာတော်ဖြစ်တဲ့ ကျောက်ပုံဆရာတော် ဦးစန္ဒိမာက မြန်မာနိုင်ငံအရပ်ရပ်ရှိ အချို့ရဟန်းတော်များဟာ အံသကိုဋ်ဆိုတဲ့ အတွင်းခံသင်္ကန်းကို ဝတ်ဆင်နေကြပါတယ်တဲ့၊ အဲဒီ အံသကိုဋ်ဟာ ဘယ်ကျမ်းကလာတာလဲ၊ အပ်ကောအပ်ပါရဲ့လားလို့ ဆရာတော်ထံ အလျှောက်ခိုင်းပါတယ်၊ သည်ပြဿနာကို ဖြေရှင်းပေးပါဦးဘုရား”

                   “အံသကိုဋ်ဆိုတာ ဝိသုဒ္ဓိမဂ် အဋ္ဌကထာကလာတဲ့ သင်္ကန်းငယ်ပဲကွယ့်၊ ဝိသုဒ္ဓိမဂ်အဋ္ဌကထာမှာဆိုတာက တေစီဝရိက ဓုတင်ဆောက်တည်တဲ့ရဟန်းဟာ ‘စတုတ္ထကစီဝရံ ပဋိက္ခိပါမိ’ ဆိုတဲ့အတိုင်း လေးထည်မြောက်သင်္ကန်းဟာ မအပ်ဘူး၊ သင်းပိုင်, ကိုယ်ဝတ်, ဒုကုဋ်အားဖြင့် သုံးထည်သောသင်္ကန်းသာအပ်တယ်၊ သို့သော်လည်း လေးထည်မြောက် အရံသင်္ကန်းကို ဆောင်လိုလျှင် အံသကိုဋ်သင်္ကန်းငယ်သာ အပ်သတဲ့ကွယ်။

                   “ဓုတင်္ဂတေစီဝရိကဿ ပန စတုတ္ထံ ဝတ္တမာနံ အံသကာသာဝမေဝ ဝဋ္ဋတိ”

                   ဓုတင်္ဂတေစီဝရိကဿ ပန - ဓုတင်တိစီဝရိက်ဆောင်သော ရဟန်းအားကား၊ စတုတ္ထံ-လေးထည်မြောက်၊ ဝတ္တမာနံ-ဖြစ်သော၊ အံသကာသာဝမေဝ- အံသကိုဋ်သည်သာလျှင်၊ ဝဋ္ဋတိ-အပ်၏တဲ့ကွယ်၊ ဒါကြောင့် အံသကိုဋ်သင်္ကန်းဟာ ဝိသုဒ္ဓိမဂ် အဋ္ဌကထာကလာတဲ့ သင်္ကန်းလို့မှတ်ရလိမ့်မယ်၊ သို့သော်လည်း အချို့ကိုယ်တော်များ အတွင်းခံချုပ်လုပ်ဝတ်ဆင်ကြတဲ့ အထည်ကတော့ အံသကိုဋ် အမည်ခံထားသော်လည်း အံသကိုဋ်အစစ်မဟုတ်ဘူး။

                   အံသကိုဋ်အစစ်က ‘တဉ္စ ခေါ ဝိတ္ထာရတော ဝိဒတ္ထိ ဒီဃတောတိဟတ္ထမေဝ ဝဋ္ဋတိ’ လို့ ဝိသုဒ္ဓိမဂ် အဋ္ဌကထာ ပထမဘာဂ ၆၂-မှာ ဆိုထားတယ်၊ တဉ္စ ခေါ-ထိုအံသကိုဋ်သင်္ကန်းသည်လည်း၊ ဝိတ္ထာရတော-အနံအားဖြင့်၊ ဝိဒတ္ထိ-တစ်ထွာ၊ ဒီဃတော-အလျားအားဖြင့်၊ တိဟတ္ထမေဝ-သုံးတောင်သာလျှင်၊ ဝဋ္ဋတိ-အပ်၏ လို့ ဆိုတဲ့အတိုင်း အနံတစ်ထွာ၊ အလျားသုံးတောင်ရှိတဲ့ သင်္ကန်းပိုင်းကလေးဖြစ်တယ်ကွယ့်”

                   “သည်သင်္ကန်းအပိုင်းကလေးကို ဘယ်နေရာမှာ အသုံးချရပါသလဲဘုရား”

                   “သုံးထည်သောသင်္ကန်းကို ဆိုးရည်အပ်တဲ့အခါ, ရေစိုတဲ့အခါ, ရေသပ္ပာယ်တဲ့အခါ စသည်တို့မှာ အရန်သင်္ကန်းအဖြစ် အသုံးချရသတဲ့ကွယ့်”

                   “ဒီလိုဆို အံသကိုဋ်ဆိုတာ သင်းပိုင်လို သင်္ကန်းငယ်တစ်မျိုးပဲ။ အခုဝတ်ကြတာက အံသကိုဋ်အစစ်မဟုတ်တော့ ဘာခေါ်ရမလဲဘုရား”

                   “ပါဠိလိုတော့ ကဉ္ဇုက၊ မြန်မာလိုတော့ အင်္ကျီလို့ ခေါ်ရမှာပဲကွယ်”

                        “အင်္ကျီခေါ်ရလျှင် ရဟန်းတော်များအတွက် အပ်ပါ့မလား ဘုရား”

                   “ဝိနယ မဟာဝါပါဠိ ၄၂၂-မှာ-

                             တေန ခေါ ပန သမယေန ဆဗ္ဗဂ္ဂိယာ ဘိက္ခူ ကဉ္စကံ ဓာရေန္တိ၊ မနုဿ ဥဇ္ဈယန္တိ ခိယျန္တိ ဝိပါစေန္တိ။ ပ။ န ကဉ္စု ကံ ဓာရေတဗ္ဗံ၊ ယောဓာရေယျ အာပတ္တိဒုက္ကဋဿာတိ-

လို့ ပညတ်ချက်ရှိတယ်၊ ပညတ်ချက်ရဲ့ အဓိပ္ပာယ်က ဆဗ္ဗဂ္ဂီရဟန်းများဟာ ကဉ္စုကခေါ်တဲ့ အင်္ကျီကို ဝတ်ကြသတဲ့၊ လူတွေကမြင်တော့ ကဲ့ရဲ့ရှုတ်ချကြတယ်၊ ဒီအကြောင်း ရဟန်းတော်များကသိတော့ ဘုရားရှင်ထံလျှောက်ထားကြတယ်၊ သည်တော့ ဘုရားရှင်က အင်္ကျီ, ဒုယင်, သင်တိုင်းကို မဝတ်ရ၊ မဆောင်ရဘူး၊ ဝတ်သောရဟန်း၊ ဆောင်သောရဟန်း ဒုက္ကဋ်အာပတ်သင့်စေလို့ ပညတ်ချက် ထုတ်တော်မူတယ်၊ ဒါကြောင့် ရဟန်းတော်များဟာ အင်္ကျီ, ဒုယင်, သင်တိုင်းကို မဝတ်ကောင်းဘူး၊ မဆောင်ကောင်းဘူကွယ့်”

                   “အကယ်လို့ အင်္ကျီ, ဒုယင်, သင်တိုင်းမျိုးကို ဒကာကပေးလှူခဲ့လျှင် ဘယ်လိုလုပ်ရမှာလဲ ဘုရား”

                   “ကဉ္စုကံ လဘိတွာ ဖာလေတွာ ရဇိတွာ ပရိဘုဥ္စိတုံ ဝဋ္ဋတိ’ လို့ မဟာဝဂ္ဂဋ္ဌကထာ ၄၁၆-မှာ ပြဆိုထားတဲ့အတိုင်း အင်္ကျီ, ဒုယင်, သင်တိုင်းကို ရခဲ့လျှင် ရှေးဦးစွာဖျက်လိုက်ရမယ်၊ နောက်ဆိုးရည်ထပ်ပြီး သုံးဆောင်နိုင်တယ်ကွယ့်”

                   “မှန်ပါ - အံသကိုဋ်ပြဿနာတော့ သဘောကျပါပြီ၊ သင်းပိုင်းပြဿနာကို ဆက်ပြီး လျှောက်ထားပါရစေ”

                   “လျှောက်ထားစမ်းပါဦး၊ ဘယ်လိုများတုန်း”

                   “ယခုခေတ် အချို့သောရဟန်းငယ်များဟာ သင်းပိုင်ကို လူသားများဝတ်တဲ့ပုဆိုးလို လုံးကွင်းချုပ်ပြီး ဝတ်နေကြပါတယ်တဲ့၊ ဒီလိုဝတ်တာ အပ်မအပ်ကိုလည်း ဖြေရှင်းပေးပါဦးလို့ ကျောက်ပုံဆရာတော် ဦးစန္ဒိမာက လျှောက်ထားလိုက်ပါတယ် ဘုရား”

                   “သင်းပိုင်ကို လူယောက်ျားများ ဝတ်တဲ့ ပုဆိုးလို ကွင်းချုပ်ပြီး မဝတ်အပ်ကောင်းဘူး၊ စူဠဝဂ္ဂပါဠိတော် ၂၇၈-မှာ-

                             န ဘိက္ခဝေ ဂိဟီနိဝတ္ထံ နိဝါသေတဗ္ဗံ၊ ဟတ္ထိသောဏ္ဍကံ၊ ပစ္ဆဝါဠကံ၊ စတုကဏ္ဏကံ၊ တာလဝဏ္ဋကံ၊ သတဝလိကံ၊ ယောနိဝါသေယျ အာပတ္တိ ဒုက္ကဋဿာတိ-

လို့ ဘုရားရှင်ရဲ့ ပညတ်ရှိတယ်ကွယ့်၊ ရဟန်းတော်များဟာ လူသားများလို မဝတ်ကောင်းဘူး၊ လူသားလိုဝတ်လျှင် ဒုက္ကဋ်အာပတ်သင့်တယ်၊ ပါဠိတော်မှာ လူသားများဝတ်ပုံ ငါးမျိုးကို ပြထားသကွယ့်၊ ငါးမျိုးက (၁) ဟတ္ထိသောဏ္ဍကဝတ်နည်း၊ (၂) မစ္ဆဝါဠကဝတ်နည်း၊ (၃) စတုကဏ္ဏကဝတ်နည်း၊ (၄) တာလဝဏ္ဋကဝတ်နည်း၊ (၅) သတဝလိကဝတ်နည်းများ ဖြစ်ကြတယ်။

(၁) ဟတ္ထိသောဏ္ဍ - ဝတ်ပုံဝတ်နည်းက စောဠတိုင်းသူအမျိုးသမီးများ ဝတ်ကြသလို ချက်ရင်းကစားပြီး ဆင်နှာမောင်းသဏ္ဌာန် တွဲလျားချပြီး ဝတ်သတဲ့။

(၂) မစ္ဆပါဋ္ဌက - ဝတ်နည်းက တစ်ဘက်အမြိတ်အစွန်း, တစ်ဘက်က ကွင်းအစွန်း တွဲလျားချပြီး ငါးအမြီးလို နှစ်ဘက်အစွန်းထွက်တဲ့ ဝတ်နည်းဖြစ်သတဲ့။

(၃) စတုကဏ္ဏက - ဝတ်နည်းက အထက်အစွန်းနှစ်ခု အောက်အစွန်းနှစ်ဘက်အားဖြင့် အစွန်းလေးဘက်ထွက် ဝတ်နည်းဖြစ်သတဲ့။

(၄)တာလဝဏ္ဋက - ဝတ်နည်းက ထန်းရွက်သဏ္ဌာန်ပုဆိုးကို တွဲလျားချပြီး ဝတ်သတဲ့ကွယ်။

(၅)သတဝလိက - ဝတ်နည်းက ရှည်တဲ့ပုဆိုးကို အကြိမ်များစွာ ခေါက်ချိုးပြီး ကွင်းချုပ်ဝတ်တာတဲ့ကွယ်၊   သတဝလိက ဝတ်နည်းကို အဋ္ဌကထာက-

သတဝလိကံ နာမ ဒီဃသာဋကံ  အနေကက္ခတ္တုံ သြဘာဥ္ဇိတွာ သြဝဋ္ဋိကံ၊ ကရောန္တေန နိဝတ္ထံ -

စသည်ဖြင့် ဖွင့်ပြထားတယ်၊ သတဝလိကံ နာမ - သတဝလိက ဝတ်နည်းမည်သည်ကား၊ ဒီသာဋကံ - ရှည်သောပုဆိုးကို၊ အနေကက္ခတ္တုံ-အကြိမ်များစွာ၊ သြဘဥ္ဇိတွာ-ချိုး၍၊ သြဝဋ္ဋိကံ-ကွင်းကို၊ ကရောန္တေန-ပြုလျက်၊ နိဝတံ္ထ-ဝတ်ခြင်းတည်းတဲ့၊ ဒါကြောင့် သင်းပိုင်ကို ကွင်းချုပ်ဝတ်ခြင်းဟာ မအပ်ဘူးလို့ မှတ်သင့်တာပေါ့ကွယ်”

             “မှန်ပါ - ဝမ်းမြောက်လှပါတယ် ဘုရား”

                                                                    “သာဓု - သာဓု - သာဓု”

***ဆက်ရန်**

ယနေ့ဗုဒ္ဓဝါဒဆိုင်ရာ အမေးအဖြေများ - အမှတ်စဉ်(၉) အငှားသင်္ကန်းနှင့် ရဟန်းဖြစ်မဖြစ် သိမ်စပ်မှုပြဿနာ

***ကောက်နုတ်ချက်***

နိုင်ငံတော် သြဝါဒါစရိယ၊ မြန်မာစာသြဝါဒါစရိယ

ထီးချိုင့်မြို့ - တည်တောဆရာတော်ဘုရားကြီး

ယနေ့ဗုဒ္ဓဝါဒဆိုင်ရာ အမေးအဖြေများ အတွဲ(၁) (နှာ  ၆၄-၆၇) မှ ကောက်နုတ်ပူဇော်ပါသည်။

ယခု အမေးအဖြေအား ကိုယ်တိုင်ပြန်လည်ရေးသား၍

ထီးချိုင့်မြို့ - တည်တောဆရာတော်ဘုရားကြီး နှင့် တကွ

ဆရာ- အရှင်တေဇာနန္ဒ(Tay Ling) တို့အား ပြန်လည်ကျေးဇူးပြုပူဇော်အပ်ပါသည်။

ကပ္ပိယ-မောင်ရဲ

https://www.facebook.com/yewin.tun.71

http://kpymgye.blogspot.com/
 

Thursday, August 16,2012        10:23 am