ဘုရားလောင်း၏ ကြင်ယာတော်နှင့်သားများ

“သည်တစ်ခါ လျှောက်ထားရမှာကတော့ ဗုဒ္ဓဝင်နှင့်ပတ်သက်တဲ့ ပြဿနာပဲဘုရား”

                   “ဘယ်လိုပြဿနာလဲကွယ့် ဆိုစမ်းပါဦး”

                   “မြို့တစ်မြို့မှာ ဗုဒ္ဓဝင်နှင့်စပ်ပြီး သုံးပွင့်ဆိုင် အငြင်းအခုံ ဖြစ်နေကြတာ တွေ့ရတယ်ဘုရား၊ ပထမလူတစ်စုက ဂေါတမဘုရားရှင်ဟယာ မင်းသားဘဝက မယား ၇-ယောက်၊ သား ၇-ယောက်ရှိကြောင်း ပြဆိုပါတယ်၊ 

မယား ၇-ယောက်တို့ကလည်း (၁) သုဘနာ၊ (၂) သဗ္ဗကာမာ၊ (၃) သုစိတ္တာ၊ (၄) ရောစီနီ၊ (၅) ရုစဂ္ဂတီ၊ (၆) သုနန္ဒ၊ (၇) ယသောဓရာဗိဗ္ဗာဒေဝီ တို့ ဖြစ်ကြပါသတဲ့၊ သားတော် ၇-ယေက်တို့ကလည်း (၂) သမဝတ္တက္ခန္ဓ၊ (၂) အတုလ၊ (၃) သုပ္ပဗုဒ္ဓ၊ (၄) ဥတ္တရ၊ (၅) သတ္တဝါဟ၊ (၆) ဝိဇိတသေန၊ (၇) ရာဟုလာ တို့ဖြစ်ကြပါသတဲ့ ဘုရား။

                   ဒုတိယလူစုကတော့ ဘုရားအလောင်းတော်မှာ မယား ၇-ယောက်၊ သား ၇-ယောက်ရှိတယ်လို့ မကြားဖူးဘူးတဲ့၊ 

 (ဗုဒ္ဓဘာသာအထွေထွေနိဗ္ဗာန်ပေါက်လက်စွဲကျမ်း) စာမျက်နှာ ၉၀-မှာ မယား ၅-ယောက်၊ သား ၅-ယောက်ရှိကြောင်းပြဆိုထားတာတော့ တွေ့ဖူးကြောင်း ပြောဆိုတယ်ဘုရား၊ အဲဒီ မယားအမည်၊ သားမည်များကို ပြောစမ်းပါဆိုတော့ သူတို့က စာအုပ်ကို ထုတ်ပြကြတယ်ဘုရား၊ စာအုပ်ကြီးက အတော်ထူတယ်၊ 

စာမျက်နှာ ၆၀၀-ကျော်ရှိတယ်၊ဒါပေမယ့် စာအုပ်က အတော်ပျက်စီးနေလို့ ရေးတဲ့ပုဂ္ဂိုလ်၊ ရိုက်တဲ့ခုနှစ်၊ ရိုက်တဲ့အမည်များ မပါတော့ဘူးဘုရား၊ သူတို့ပြောတဲ့အတိုင်းပဲ စာမျက်နှာ ၉၀-မှာ ဒီလိုရေးထားတယ် ဘုရား။

                   ဗုဒ္ဓဝင်အဋ္ဌကထာ၌ ဤသို့လာ၏၊ သိဒ္ဓတ္ထမင်းသားအား မြောက်သား ငါးယောက်ရှိ၏၊ 

ပထမ ယသောဓရာ၊ ထို့နောက် သုမိတ္တာ၊ ကဉ္စန၊ မင်္ဂလနှင့် မလ္လိကာမိဖုရားဟူ၍ ငါးပါးဖြစ်သဖြင့် သားလည်း ငါးယောက်ဖြစ်လေသည်၊ ယသောဓရာ၏သားကြီး ရာဟုလာ၊ သုမိတ္တ၏ သားကား ပုတ္တ၊ ကဉ္စန၏သားကား ဥပရောဂ၊ မင်္ဂလ၏သားက သင်္ဃာဝရ၊ မလ္လိကာ၏ သားကား ဇာတိဝရ ဖြစ်၏၊ ပေါင်းစုက ပဉ္စပုတ္တဘွဲ့တော်ရ၍ အရိယာငါးပါးဖြစ်ကြောင်း ဗုဒ္ဓဝင်မှအကျဉ်းပြ၏၊ အမှန်ကိုသိလိုက ဒီဃနိကာယ်အကျယ်ကျမ်း ကြည့်ပါလေ လို့ဖော်ပြထားပါတယ် ဘုရား”

                   “အင်း - အင်း ဦးပဉ္စင်းပြောမှပဲ အမှတ်ရတယ်၊ သည်စာဟာ အနာဂတဝင်ကျမ်းငယ်ကလာတာပဲ၊ အနာဂတဝင်ကျမ်းငယ်မှာ သည်အကြောင်း လင်္ကာလေးနှင့် ပြထားသကွယ့်”

                   “အမိန့်ရှိတော်မူပါဦး ဘုရား”

“ကဿပဟု၊ ဗုဒ္ဓမြတ်စွာ၊ သုံးရွာသခင်၊ မြတ်ချစ်ရှင်၏၊ ဗုဒ္ဓဝင်မွေခံ၊ နာမံမည်မှတ်၊ သိဒ္ဓတ်မင်းသား၊ မြောက်သားငါးယောက်၊ ကြီးမြောက်ရသော်၊ ထိုရော်သုမတ္တ၊ ကဉ္စနနှင့်၊ မင်္ဂလဟူ၊ ဘွဲ့မူသာယာ၊ မာလိကာမိဖုရား၊ စဉ်လိုက်ထားမှာ၊ သားကားငါးယောက်၊ ကြီးမြှောက်န်းလျာ၊ ရာဟုလာဟု၊ ရေမှတ်ပြုမှ၊ ထိုမှတစ်ဖန်၊ သုမိတ္တံလျှင်၊ မွေးမြင်သည်သား၊ အများခေါ်ကြ၊ သားပုတ္တလျှင်၊ အမည်တွင်မှ၊ ကဉ္စနမိဖုရား၊ မွေးသည့်သားကား၊ အများတွင်ခေါ်၊ သားတော်ဥပယောဂ၊ တွင်ပေစွဟု၊ မင်္ဂလဟူ၊ သားတော်မူလည်း၊ ထို့တူမည်ရ၊ သင်္ဃဝရ၊ ထိုမှတစ်ပါး မိဖုရားမလ္လိကာ၊ သားတော်မှာလည်း၊ မည်သာတွင်သိ၊ ဇာတိဝရ၊ ပေါင်းစုကလည်း၊ ပဉ္စဗုဒ္ဓ၊ ဘွဲ့တော်ရ၏၊ အရိယာငါး၊ ဖြစ်ကြောင်းများကို နောက်သားသိမြင်၊ ဗုဒ္ဓဝင်မှ၊ မကျဉ်းပြ၏၊ ထိုမှတစ်ဖန်၊ အမှန်သိရ၊ ဒီဃနိကာယ်၊ အကျယ်ကျမ်းပြ၊ သိပါရ၏၊ လောကသခင်၊ လူတွင်လူမြတ်၊ သိဒ္ဓတ်မင်းသား၊ ဘုရားအနွယ်၊ ကျဉ်းကျယ်ထုတ်ပြ၊ လေးရပ်သောသူ၊ လေးမျိုးလူတို့၊ သိယူသောအား၊ မှတ်သားစိမ့်ငှာ၊ ပျို့ကဗျာနှင့်၊ သိသာစိမ့်ကြောင်း၊ ဉာဏ်ဖြင့်လောင်း၍၊ ထုံးဟောင်းသက်သေ၊ ကျမ်းကိုဖွေမှ၊ တွေ့ပါကလည်း၊ ခဏမကြာ၊ ကဗျာသီကုံး၊ အကျဉ်းရုံး၍၊ နောင်ထုံးစဉ်လာ၊ မျိုးလေးဖြာတို့၊ သိသာခြားနား၊ မှတ်သားစရာ၊ ကျမ်းအလာလို၊ လင်္ကာဆိုသည်၊ သိသာခြားနား၊ မှတ်သားစရာ၊ ကျမ်းလာအလို၊ လင်္ကာဆိုသည်၊ မှတ်လိုသူတို့ သိကြောင်းတည်း” တဲ့ကွယ်

                    သည်လင်္ကာကိုယူပြီး ဗုဒ္ဓဘာသာအထွေထွေ နိဗ္ဗာန်ပေါက် လက်စွဲကျမ်းက စကားပြေရေးထားတာ ဖြစ်ပါလိမ့်မယ်”

                   “မှန်ပါ၊ ဟုတ်ကောင်းဟုတ်ပါလိမ့်မယ်ဘုရား၊ ဒုတိယလူတစ်စုက သည်လိုပြောတော့ တတိယလူတစ်ခုက ဘုရားအလောင်းတော်မှာ မိဖုရား ငါးပါးရှိတယ်ဆိုတာလည်း မဟုတ်ဘူး၊ ၇-ပါးရှိတယ်ဆိုတာလည်း မဟုတ်ဘူးတဲ့ ဘုရား”

                   “နို့ မိဖုရား ဘယ်နှစ်ယောက်ရှိသတဲ့လဲကွယ်”

                   “သူတို့ကတော့ မိဖုရားလည်း ယသောဓရာတစ်ပါးပဲရှိတယ်၊ သားတော်လည်း ရာဟုလာတစ်ပါးပဲ ရှိတယ်လို့ ဆိုကြတယ်ဘုရား၊ ဒီပြဿနာကို ဆရာတော်ဘုရား စွမ်းနိုင်သလောက် ဖြေရှင်းပေးတော်မူပါဦး ဘုရား”

                   “ကိုယ့်တော်ပြဿနာက သုံးပွင့်ဆိုင်ပြဿနာဖြစ်နေတယ်၊ လေးပွင့်ဆိုင်ဖြစ်သွားအောင် တပည့်တော်က ပြဿနာတစ်ခု ထပ်ထည့်လိုက်ဦးမယ်”

                   “ဘယ်လိုပြဿနာပါလဲ ဘုရား”

                   “ယသောဓရာထေရီ အပါဒါနပါဠိ စာမျက်နှာ ၂၆၆၊ ကါထာနံပတ် ၃၃၁-မှာ-”

                                  ထီနံ သတသဟဿနံ၊ နဝုတီနံ ဆဒုတ္တရိ။

                        အဂါရေ တေ အဟံ ဝီရ၊ ပါမောက္ခ သဗ္ဗာ ဣဿရာ

                   ဆိုတဲ့ ဂါထာတစ်ပုဒ်ပါတယ်ကွယ့်၊ သည်ဂါထာဟာ အသက် ၇၈-နှစ် အရွယ်ရှိတဲ့ ယသောဓရာထေရီမ ပရိနိဗ္ဗာန်စံခါနီး ဘုရားရှင်ကို လျှောက်ထားတဲ့ ဂါထာဖြစ်တယ်၊ ဂါထာရဲ့ အဓိပ္ပာယ်က အို-ဘုရားရှင်၊ အကျွန်ုပ် သယောဓရာဟာ အရှင်မြတ် နန်းတော်အတွင်း စံနေစဉ်က မိန်းမပေါင်းကိုးသန်း ခြောက်သိန်းတို့ရဲ့ အကြီးအမှူးဖြစ်ပါတယ်၊ မိန်းမအားလုံးတို့ကို အစိုးရသူဖြစ်ပါတယ်တဲ့၊ သည်စကားရပ်က အဲဒီခေတ်က ကပိလဝတ်မင်းနေပြည်မှာ အမျိုးသမီးပေါင်း ကိုးသန်းခြောက်သိန်းရှိတယ်၊ အဲဒီမိန်းမ ကိုးသန်းခြောက်သိန်းတို့ကို မိဖုရားခေါင်ကြီးဖြစ်တဲ့ ယသောဓရာက အစိုးရတယ်လို့ ဆိုလိုတယ်။

                   ဂါထာ နံပါတ် ၃၃၃-လုံးကို ကြည့်လိုက်စမ်းပါဦး။

                             ကညာ သတသဟဿပမုခါ၊ သကျပုတ္တနိဝေသနေ။

                        သမာနုသုခဒုက္ခတာ၊ ဒေဝတာ ဝိယ နန္ဒနေ-

                   ဆိုတဲ့ ဂါထာကို တွေ့ရလိမ့်မယ်၊ သာကီဝင်မင်းသားရဲ့ နန်းတော်မှာ သတို့သမီးပေါင်း တစ်သိန်းရှိပါသတဲ့၊ သည်တစ်သိန်းထဲမှာ ယသောဓရာက အကြီးဆုံးတဲ့၊ နန္ဒဝန်ဥယျာဉ်တွင်းက နတ်သမီးတွေလို အတူတကွ ချမ်းသာဆင်းရဲ ခံစား စံစားနေကြသတဲ့။

                   ဒီဂါထာကိုကြည့်လိုက်လျှင် ကပိလနန်းတွင်းမှာ သိဒ္ဓတ္ထမင်းရဲ့ မောင်းမပေါင်း တစ်သိန်းရှိတယ်လို့ အတိအလင်း ဖော်ပြထားတယ်၊ သည်မောင်းမ တစ်သိန်းထဲက နောင်အခါ အကျွတ်တရားရသွားတာတွေ အတော်များများ တွေ့ကြရတယ်၊ ထေရီအပဒါနပါဠိ ဆဋ္ဌမူစာမျက်နှာ ၂၇၂-မှာ မောင်းမပေါင်း တစ်သောင်းရှစ်ထောင် ကျွတ်တန်းဝင်ပုံပြထားတယ်၊ သည်မှတစ်ပါး ထေရီဂါထာပါဠိတော်ကလာတဲ့ တိဿထေရီ, အညတြာထေရီတို့ဟာလည်း ဘုရားလောင်းရဲ့ ရံရွေတော်များပင် ဖြစ်ကြတယ်။

                        ဒါကြောင့် ဘုရားလောင်း မိဖုရားပေါင်း ဘယ်လောက်လဲလို့မေးခဲ့လျှင် မိဖုရားပေါင်း တစ်သိန်းလို့ပြောမည်ဆိုလျှင် ပြောနိုင်တာပေါ့ကွယ်၊ ဒါပေမယ့် ဥပမာပြောရလျှင် သီပေါမင်းရဲ့ မန္တလေးနန်းတော်တွင်းမှာ မောင်းမပေါင်းများစွာ ရှိကြတယ်၊ သို့သော်လည်း အဲဒီမောင်းမတိုင်းဟာ သီပေါမင်းရဲ့ မိဖုရားများ မဟုတ်ကြဘူး၊ တရားဝင်မိဖုရားကတော့ စုဖုရားကြီးရယ်၊ စုဖုရားလေး၊ စုဖုရားလတ်ရယ် အားလုံးပေါင်းမှ သုံးယောက်သာရှိသလို ကပိလဝတ်နန်းတွင်းမှာ မောင်းမပေါင်း တစ်သိန်းရှိတာမှန်သော်လည်း ဘုရားလောင်းရဲ့ တရားဝင် မိဖုရားကတော့ ‘ယသောဓရာဗိမ္မာဒေဝီ’ တစ်ဦးတည်းသာ ရှိတယ်ကွယ့်”

                   “နို့ မယားခုနစ်ယောက်, သားခုနစ်ယောက်၊ မယားငါးယောက်, သား ငါးယောက်ဆိုတာ မဟုတ်ဘူးပေါ့ဘုရား”

                   “မဟုတ်ပါဘူးကွယ်၊ မယားခုနှစ်ယောက်၊ သားခုနှစ်ယောက်ဆိုတာက ဒီလိုပါ”

                   “ဘယ်လိုပါလဲ ဘုရား”

                   “ဒီဃနိကာယ် မဟာဝဂ္ဂဋ္ဌကထာ ဆဋ္ဌမူ စာမျက်နှာ ၁၅,၁၆-တို့မှာ ဘုရားခုနစ်ဆူနဲ့ သားတော် ၇-ပါးနှင့် ကြင်ယာတော် ၇-ပါးတို့ကို ဂါထာဖွဲ့ပြီး ပြထားတယ်၊ သားတော် ၇-ပါးဘွဲ့ ဂါထာ-

                        သမဝတ္တက္ခန္ဓော  အတူလော၊ သုပ္ပဗုဒ္ဓေါ စ ဥတ္တရော။

                        သတ္တဝါဟော ဝိဇိတသေနော၊ ရာဟုလော ဘဝတိ သတ္တမော-

                   တဲ့ကွယ်၊ သည်ဂါထာဟာ ဘုရားလောင်း ခုနစ်ပါးတို့ရဲ့ အစဉ်အတိုင်း သားတော် ၇-ပါးဖြစ်ကြောင်းကို ‘ဧတေ တာဝ သတ္တန္နံ ဗောဓိသတ္တနံ အနုက္ကမေနေဝ သတ္တပုတ္တာ ဝေဒိကဗ္ဗာ’ လို့ အတိအလင်း ဖော်ပြထားတယ်၊ ထို့အတူ ဘုရားလောင်း ၇-ပါးတို့ရဲ့ ကြင်ယာတော် ၇-ယောက်တို့ကိုလည်း -

                        သုတနာ သဗ္ဗကာမာ စ၊ သုစိတ္တာ အထ ရောစိနီ။

                        ရုစဂ္ဂတီ သုနန္ဒာ စ၊ ဗိမ္မာ ဘဝတိ သတ္တမာ-

                   လို့ ဂါထာဖွဲ့ပြီး ‘ဧတာ တေသံ သတ္တန္နမ္ပိ ပုတ္တာနံ မာတရော အဟေသုံ’ လို့ ဆက်ပြီး ပြဆိုတယ်၊ အဓိပ္ပာယ်ကတော့ သည်အမျိုးသမီး ၇-ဦးတို့ဟာ ထိုသားတော် ၇-ပါးတို့ရဲ့ မိခင်များ ဖြစ်ကြပါတယ်လို့ ဆိုလိုတယ်၊ ဘုရား ၇-ဆူ တို့ရဲ့ သည်သားတော် ကြင်ယာတော်များကို ဗုဒ္ဓဝံသအဋ္ဌကထာနှင့် ညှိကြည့်မည်ဆိုပါလျှင် -

                   (၁)     ဗုဒ္ဓဝံသ အဋ္ဌကထာ။ ဆဋ္ဌမူ နှာ - ၂၈၃-မှာ

                             ‘သုတနု နာမဿ အဂ္ဂမဟေသီ၊ သမဝတ္တက္ကန္ဓော နာမဿ ပုတ္တော’ 

                             ဝိပဿီဘုရားရှင်ရဲ့ မိဖုရားက သုတနု၊ သားတော်က သမဝတ္တက္ကန္ဓ တဲ့ကွယ်။

                   (၂)     စာမျက်နှာ ၂၈၉-မှာ-

                             ‘သဗ္ဗကာမာ နာမဿ အဂ္ဂမဟေသီ၊ အတုလော နာမဿ ပုတ္တော’

                             သိခီဘုရားရှင်ရဲ့ မိဖုရားက သဗ္ဗကာမာ၊ သားတော်က အတုလ တဲ့ကွယ်။

                   (၃)     စာမျက်နှာ ၂၉၄-မှာ-

                             ‘သုစိတ္တာ နာမဿ ဘရိယာ၊ သုပ္ပဗုဒ္ဓေါ နာမဿ ပုတ္တော’

                             ဝေဿဘူဘုရားရှင်ရဲ့ မိဖုရားက သုစိတ္တာ၊ သားတော်က သုပ္ပဗုဒ္ဓ တဲ့ကွယ်။

                   (၄)     စာမျက်နှာ ၃၀၀-မှာ-

                        ‘ဘရိယာ ပနဿ ရောစိနီနာမ ဗြဟ္မဏီ၊ ဥတ္တရော နာမ ပုတ္တော’

                             ကကုသန်ဘုရားရှင်ရဲ့ မိဖုရားက ရောစိနီပုဏ္ဏေးမ၊ သားတော်က ဥတ္တရတဲ့ကွယ်။

                   (၅)     စာမျက်နှာ ၃၀၅-မှာ-

                        ‘ဘရိယာ ပနဿ ရုစိဂတ္တာ နာမ ဗြဟ္မဏီ၊ သတ္တဝါဟော နာမ ပုတ္တော’

                             ကောဏာဂုမ်ဘုရားရှင်ရဲ့ မိဖုရားက ရုစိရတ္တပုဏ္ဏေးမ၊ သားတော်က                

                             သတ္တဝါဟတဲ့ကွယ်။

                   (၆)     စာမျက်နှာ ၃၁၂-မှာ-

                        ‘သုနန္ဒာ နာမဿ အဂ္ဂမဟေသီ၊ ဝိဇိတသေနော နာမ ပုတ္တော’

                             ကဿပဘုရားရှင်ရဲ့ မိဖုရားက သုနန္ဒာ၊ သားတော်က ဝိဇိတသေန တဲ့ကွယ်။

                   (၇)     ဂေါတမဘုရားရှင်ရဲ့ မိဖုရားကတော့ ယသောဓရာ ဗိမ္ဗာဒေဝီ၊ သားတော်ကတော့

                             ရာဟုလာတဲ့ကွယ်။

                   “ဒါကြောင့် ဂေါတမဘုရားလောင်းမှာ မယား ၇-ယောက်၊ သား ၇-ယောက်မရှိပါဘူုး၊ မယားတစ်ယောက် သားတစ်ယောက်သာရှိတယ်၊ ဘုရား ၇-ဆူတို့ရဲ့ သားမယားများနှင့် မှားယွင်းပြီး မယား ၇-ယောက်၊ သား ၇-ယောက်လို့ရေးတယ်၊ သည်ကမ္ဘာမှာပွင့်တဲ့ ဘုရားငါးဆူတို့ရဲ့ သားမယားများနှင့် ရောပြွမ်းပြီး မယား ၅-ယောက်၊ သား ၅-ယောက်လို့ရေးတယ်၊ ဒါပေမယ့် အဲသည်ရေးသားချက်တွေဟာ မမှန်ပါဘူး၊ ယခုရေးပြခဲ့တာတွေသာ မှန်တယ်ဆိုတာ အသေအချာ မှတ်သင့်ပါတယ်ပေါ့ကွယ်”

                   “မှန်ပါ - သာဓုပါဘုရား၊ သာဓု - သာဓု”

***ဆက်ရန်**

ယနေ့ဗုဒ္ဓဝါဒဆိုင်ရာ အမေးအဖြေများ - အမှတ်စဉ်(၆) ရဟန်းတော်များ၏ သင်္ကန်းတော်အသွင်အပြင်              

***ကောက်နုတ်ချက်***

နိုင်ငံတော် သြဝါဒါစရိယ၊ မြန်မာစာသြဝါဒါစရိယ

ထီးချိုင့်မြို့ - တည်တောဆရာတော်ဘုရားကြီး

ယနေ့ဗုဒ္ဓဝါဒဆိုင်ရာ အမေးအဖြေများ အတွဲ(၁) (နှာ ၃၄-၄၁) မှ ကောက်နုတ်ပူဇော်ပါသည်။

ဤ “ဗောဓိပင်ပြဿနာ အမေး-အဖြေ” အား ကိုယ်တိုင်ပြန်လည်ရေးသား၍

ထီးချိုင့်မြို့ - တည်တောဆရာတော်ဘုရားကြီး နှင့် တကွ

ဆရာ- အရှင်တေဇာနန္ဒ(Tay Ling) တို့အား ပြန်လည်ကျေးဇူးပြုပူဇော်အပ်ပါသည်။

(ကပ္ပိယ-မောင်ရဲ)  - https://www.facebook.com/yewin.tun.71

 Monday, August 13,2012     2:12  pm