ပဗ္ဗဇနိယကမ္မဝါ

                         “၁၆-၇-၈၂-နေ့စွဲဖြင့် သီပေါမြို့ ပန်းထိမ်ရပ်နေ ဦးသူခဆိုသူထံက ဆရာတော်ထံကပ်ဖို့ စာတစ်စောင် ပေးလိုက်ပါတယ် ဘုရား”

                        “ဘာစာများတုန်းကွယ့်”

                        “စာကတော့ သူသိလိုတဲ့ပုစ္ဆာကို ဆရာတော်ထံ လျှောက်ထားတာပါပဲ ဘုရား”

                                                            ပဗ္ဗဇနိယကမ္မဝါ

                        “သူသိချင်တဲ့ပုစ္ဆာက သုံးမျိုးပါဝင်ပါတယ် ဘုရား၊ ပထမမေးခွန်းက ရှေးက ရဟန်းတော်များဟာ ရွာတွင်း မြို့တွင်း ပရိတ်တရားဟောကြားပြီးလျှင် ဥပသမ္ပဒကမ္မဝါစာကို ရွတ်ဖတ်တက်ကြပါသတဲ့၊ နောက်ကိုယ်တော်တွေကျတော့ ဥပသမ္ပဒကမ္မဝါအစား ပဗ္ဗဇနီယကမ္မဝါစာကို ရွတ်ဖတ်တာကြုံတွေ့ ရပါသတဲ့၊ ဒီနေရာမှာ ဦးသုခရဲ့ အလိုအားဖြင့် ဥပသမ္ပဒကမ္မဝါစာဟာ ဘုရားရှင်ရဲ့ နှုတ်ကမ္ပတ်တော်ဖြစ်လို့ ပဗ္ဗာဇနီယကမ္မဝါစာထက် ပိုပြီး သင့်မြတ်လိမ့်မယ်ထင်ပါသတဲ့၊ ပဗ္ဗာဇနီယကမ္မဝါစာဟာ သူတစ်ပါးကို မောင်းနှင်တဲ့ ကမ္မဝါစာဖြစ်တဲ့ အတွက် မေတ္တာကို အဓိကထားတဲ့ ဗုဒ္ဓဝါဒနှင့်ဆန့်ကျင်နေပါသတဲ့၊ ဒီအကြောင်းကို ဆရာတော်ရဲ့ သဘော ဘယ်လိုဆိုတာ သူသိချင်ကြောင်း ရေးသားထားပါတယ် ဘုရား”

                        “သူ့အမေးက ခပ်တိုတိုပဲကွယ့်၊ အဖြေကတော့ အတော်လေးရှည်ရှည်ဖြေမှ လိပ်ပတ်လည်လိမ့်မယ်၊ ဒါကြောင့် ခပ်ရှည်ရှည်ကလေး ဖြေကြစို့ရဲ့”

                        “မှန်ပါ-လိပ်ပတ်လည်အောင် ဖြေတော်မူပါဘုရား”

                        “ဇပ္ပနဆိုတဲ့ ပါဠိစကားဟာ မြန်မာလို စကားပြောဆိုခြင်း, ဂါထာစုပ်ခြင်း, မန်းမှုတ်ခြင်းဆိုတဲ့အနက်ကို ဟောတယ်၊ လူသားတွေဟာ ကမ္ဘာဦးအချိန်လောက်ကစတင်ပြီး ဂါထာမန္တရားမန်းမှုတ်ခြင်း အလေ့အထကို ယုံကြည်ခဲ့ကြတယ်၊ ဂါထာမန္တရားများ ရွတ်ဖတ်သရဇ္ဈာယ်တဲ့အခါ မှတ်သားတဲ့ပုတီးကို စိပ်ပုတီးလို့ခေါ်ကြတယ်၊ ဒီနေရာမှာ စိပ်ဆိုတာ ဇပ္ပနကိုဇိပ်လို့ပြန်ဆိုရာက စိပ်ဖြစ်လာတယ်လို့ ယူဆကြသကွယ့်၊  ပြီးတော့ ဂါထာစုပ်တယ်, မန္တာန်စုပ်တယ် ဆိုတဲ့နေရာမှာ ပါဝင်တဲ့ (စုပ်)ဟာလည်း ပါးစပ်နှင့် စုပ်တဲ့စုပ်နှင့် အသံချင်းတူသော်လည်း အနက်ချင်းမတူဘူးတဲ့၊ မန္တန်စုပ်တယ်ဆိုတဲ့ သဒ္ဒါမှာပါဝင်တဲ့ (စုပ်)က စိပ်ပုတီးမှာပါဝင်တဲ့ (စိပ်)လိုပဲ (ဇပ္ပနသဒ္ဒါ)က ဖြစ်တာမို့ ရွတ်ဖတ်သရဇ္ဈာယ်ခြင်းအနက်ကို ဟောတယ်၊ ပါးစပ်ဖြင့်စုပ်တယ်, ပြွန်ဖြင့်စုပ်တယ်ဆိုတဲ့ သဒ္ဒါမှာ ပါဝင်တဲ့စုပ်က (စုဗိ) သဒ္ဒါကဖြစ်လာတဲ့ (စုပ်)တဲ့ကွယ်၊ စုဗိသဒ္ဒါက ဓာတ်နက်လှစ်တော့ (ဝဒန သံယောဂေ) နှုတ်ခမ်းချင်းစပ်ယှဉ်ခြင်းလို့ အနက်ဖော်တယ်”

                        “သည်စုပ်နှစ်မျိုးအနက် ယခုပြောလိုတာက မန္တန်စုပ်ခြင်း, ဂါထာစုပ်ခြင်း, မန်းမှုတ်ခြင်းဆိုတဲ့ဓလေ့ပါပဲ၊ သည်ဓလေ့ဟာ ကမ္ဘာဦးလောက်ကစပြီး လူသားများရဲ့အတွင်းမှာ စိမ့်ဝင်နေတယ်၊ အချို့ဂါထာမန္တရားတွေဟာလည်း အမှန်တကယ်ပဲ ထိရောက်တယ်၊  ဥပမာအားဖြင့် မြွေမန္တာန်များကို ထောက်ဆကြည့်မယ်၊ မြွေမန္တာန်များကို ယနေ့ထိအလမ္ပာယ်ဆရာများ အသုံးပြုနေကြဆဲဖြစ်တယ်၊ နော်ကအခါကျတော့ သည်မန္တန်တွေဟာ ဘာသာရေးနယ်ပယ်ထဲ ဝင်ရောက်လာကြပြီး စုန်းနတ်တစ္ဆေသရဲများရဲ့ စွမ်းရည်များလို့ ယူဆလာခဲ့ကြတယ်၊ ရှေးဦးစွာ သည်မန္တာန်များကို လက်သ်င့ခံခဲ့ကြတာက ဗြာဟ္မဏများဖြစ်ကြတယ်၊ ဗြာဟ္မဏတို့ရဲ့ ဘာသာရေးနယ်ပယ်မှာ သည်လို မန်းမှုတ်ရွတ်ဖတ်ခြင်းမျိုးကို တန္တရ, မန္တရအဖြစ်ဖြင့် ကျမ်းတင်ခံရတဲ့ဘဝရောက်လာတယ်၊ နောက်ပိုင်းကျတော့ သည်တန္တရ မန္တရဝါဒတွေဟာ -

                        (၁) ဒက္ခိဏတန္တရ-လက်ယာဂိုဏ်း(သို့မဟုတ်) အထက်လမ်းဂိုဏ်း၊ (၂) ဝါမတန္တရ  - လက်ဝဲဂိုဏ်း(သို့မဟုတ်) အောက်လမ်းဂိုဏ်းရယ်လို့ ဂိုဏ်းနှစ်မျိုးပြားလာတယ်၊ အထက်လမ်းဂိုဏ်းကို ဗြဟ္မာ၏ မိဖုရား သွရဿတီနတ်ဘုရားမက ခေါင်းဆောင်ပြီး အောက်လမ်းဂိုဏ်းကို သျှီဝ၏မိဖုရား ကာလီခေါ်တဲ့ ပါရဝတီဒေဝိက ဦးဆောင်တယ်ရယ်လို့ ယူဆလာကြတယ်။

                        သည်အယူအဆတွေဟာ အမှန်တော့ ဗုဒ္ဓသာသနာတော်နှင့် မပတ်သက်ပါဘူး၊ သက်သက်သော ဗြာဟ္မဏဝါဒတွေပဲ၊ သို့သော် သီရိဓမ္မာသောကမင်းတရားလက်ထက်မှာ ဗြာဟ္မဏများဟာ စားရ နေရ မချောက်ကြတဲ့အတွက် သာသနာတော်အတွင်း ရဟန်းအသွင်ယူခဲ့ကြတယ်၊ သာသနာတော် အတွင်း ရဟန်းဖြစ်လာကြသော်လည်း ဗြဟ္မဏက ရဟန်းဖြစ်လာသူတွေဟာ သူတို့ရဲ့ဝါဒကို မစွန့်ဘဲ သာသနာတော်အတွင်း သူတို့ရဲ့ဝါဒများကို မျိုးစေ့ ချပေးလိုက်ကြတဲ့အတွက် ယနေ့အထိ သာသနာတော်အတွင်းမှာ ဖိုထိုးခြင်း, အင်းချခြင်း, ဓာတ်ရိုက်ခြင်း စသော တန္တရအရိပ်အယောင်များဟာ ထင်ဟပ်နေခြင်းဖြစ်တယ်၊ သည်တန္တရအရိပ်အယောင်ထဲမှာ ပရိတ်လည်းပါသတဲ့ကွယ့်”

                        “ပရိတ်က တန္တရက လာတာလားဘုရား၊ ပါဠိတော်က လာတာမဟုတ်ဘူးလား”

                        “အေးကွယ့်-ပါဠိတော်ကလာတဲ့ ဘုရားဟောပရိတ်လည်း ရှိတယ်၊ တန္တရကလာတဲ့ ပရိတ်လည်းရှိသကွယ့်”

                        “တန္တရကလာတဲ့ ပရိတ်က ဘယ်လိုပရိတ်ပါလဲဘုရား” 

              

                        “ပရိတ်ကြီး, ပရိတ်ငယ်ဆိုတာ ကြားဖူးရဲ့လား”

                        “မှန်ပါ၊ စလင်းမူ ပရိတ်ကြီးနိဿယ နှာ ၁၅၁-မှာ အမွှမ်းဂါထာတို့၌ ပရိတ္တံ တံ ဘဏာမ ဟေ- ပါသော ရတနပရိတ်, မေတ္တပရိတ်, ခန္ဓပရိတ်, မောရပရိတ်, ဝဋ္ဋပရိတ်, ဓဇဂ္ဂပရိတ်, အာဋာနာဋိယပရိတ်, အင်္ဂုလိမာလပရိတ် တို့ကို ပရိတ်ကြီး၊ ပရိတံ္တမပါသော မင်္ဂလပရိတ်, ဗောဇ္ဈင်္ဂဂပရိတ်များကို ပရိတ်ငယ်ခေါ်ကြောင်း မှတ်သားဖူးပါတယ် ဘုရား”

                        “အေးကွယ့် - အဲဒါလည်း ဗဟုသုတတစ်မျိုးပေါ့၊ အမှန်က ပရိတ်ငယ်ဆိုတာ ပိဋကတ်တော်ကလာတဲ့ ပရိတ်မဟုတ်ဘူး၊ တန္တရကျမ်းများကလာတဲ့ အန္တရာယ်ကင်းပရိတ်များဖြစ်တယ်ကွယ့်၊ သည်ပရိတ်ငယ်တွေဟာ အချို့သော ဆေးကျမ်း အင်းကျမ်းများမှာ အတော်များများ ရှိပါတယ်၊  

တွေ့ဖူးသလောက် ပြောရမယ်ဆိုလျှင် -

                    ၁။ ကျေးမင်းပရိတ်၊ ၂။ ဟင်္သာမင်းပရိတ်၊ ၃။ မျောက်ပင်းပရိတ်၊ ၄။ နွားမင်းပရိတ်၊ ၅။ကြိုးကြာမင်းပရိတ်၊ ၆။ ခြင်္သေ့မင်းပရိတ်၊ ၇။ဝက်မင်းပရိတ်၊ ၈။ မြေခွေးမင်းပရိတ်၊ ၉။ ဒုတိယဝက်မင်းပရိတ်၊ ၁၀။ ယုန်မင်းပရိတ်၊ ၁၁။ သမင်မင်းပရိတ်၊ ၁၂။ ဂဠုန်မင်းပရိတ်၊ ၁၃။ ခိုမင်းပရိတ်၊ ၁၄။ ဆက်ရက်မင်းပရိတ်၊ ၁၅။ ပုစွန်မင်းပရိတ်၊ ၁၆။ ဗျဂ္ဃမင်းပရိတ်၊ ၁၇။ မဟိံသမင်းပရိတ်၊ ၁၈။ စွန်မင်းပရိတ်၊ ၁၉။ ရှဥ့်မင်းပရိတ်၊ ၂၀။ ဥသြမင်းပရိတ်၊ ၂၁။ ဖျံမင်းပရိတ်၊ ၂၂။ ခါမင်းပရိတ်၊ ၂၃။ လနတ်သားပရိတ်၊ ၂၄။ နေနတ်သားပရိတ်၊ ၂၅။ သိရသ္မိပရိတ်၊ ၂၆။ ရှင်ဥပဂုတ်ပရိတ်၊ ၂၇။ ပုတ်သင်မင်းပရိတ်၊ ၂၈။ မိကျောင်းမင်းပရိတ်၊ ၂၉။ ဆင်မင်းပရိတ်၊ ၃၀။ ကျီးမင်းပရိတ်၊ ၃၁။ ကြမင်းပရိတ်၊ ၃၂။ မြင်းမင်းပရိတ်၊ ၃၃။ လမင်းပရိတ်၊ ၃၄။ နေမင်းပရိတ်၊ ၃၅။ နဂါးမင်းပရိတ်၊ ၃၆။ ဒုတိယရှဉ့်မင်းပရိတ်၊ ၃၇။ လိပ်မင်းပရိတ်၊ ၃၈။ ဆိတ်မင်းပရိတ်၊ ၃၉။ ဂဠုန်မင်းပရိတ်၊  ၄၀။ ဒုတိယဆိတ်မင်းပရိတ်၊ ၄၁။ ဒုတိဟင်္သာမင်းပရိတ်၊ ၄၂။ ဒုတိယဖျံမင်းပရိတ်၊ ၄၃။ ဒုတိယဆက်ရက်မင်းပရိတ်၊ ၄။ ဆဒ္ဒန်ဆင်မင်းပရိတ်၊ ၄၅။ လင်းတမင်းပရိတ်၊ ၄၆။ ဒုတိယပုတ်သင်မင်းပရိတ်၊ ၄၇။ ငုံးမင်းပရိတ်၊ ၄၈။ ဒုတိယရှင်ဥပဂုတ်ပရိတ်ရယ်လို့ ပရိတ်ငယ် ၄၈-မျိုးတွေ့ဖူးတယ်၊ တန္တရကလာတဲ့ သည်ပရိတ်များဟာလည်း သူ့ နေရာနှင့်သူ ကျေးဇူးပြုတာတွေရှိပါတယ်၊ ဒါကြောင့် သည်လို တန္တရပရိတ်မျိုးကိုသော်လည်း ဘုရားရှင်က ခွင့်ပြုတော်မူခဲ့ပါတယ်”

                        “ဘယ်မှာ ခွင့်ပြုတော်မူပါသလဲ ဘုရား”

                        “ပါစိတ်ပါဠိတော် ဘိက္ခုနီဝိဘင်း တိရစ္ဆာနကထာ ၄၀၂-၄၀၃-မှာ အနာပတ္တိ လေခံ ပရိယာပုဏာတိ၊ ဓာရဏံ ပရိယာပုဏာတိ၊ ဂုတ္တတ္ထာယ ပရိတ္တံ ပရိယာပုဏာတိ လို့ ခွင့်ပြုထားသကွယ့်”

                        “အဓိပ္ပာယ် အမိန့်ရှိပါဦး ဘုရား”

                        “အဓိပ္ပာယ်က ဘိက္ခုနီမဟာ မဂ်ဖိုလ်မှဖီလာဖြစ်သော အတတ်မျိုးကို မသင်ကြားရဘူး၊ မပုိ့ချရဘူး၊  သင်ကြားပို့ချသော်လည်းကောင်း, အာဂုံဆောင်ထားဖို့ သင်ကြားပို့ချပေးသော်လည်းကောင်း, ကိုယ်၌လုံခြုံဖို့ ပရိတ်အရံအတား သင်ကြားပို့ချပေးသော်လည်းကောင်း အာပတ်မသင့်ဘူးလို့ ဆိုလိုတယ်”

                        “ပရိတ်အရံအတားဆိုတာက ပါဠိတော်ကလာတဲ့ ပရိတ်ကြီးကို ဆိုလိုတာမဟုတ်ဘူးလားဘုရား”

                        “မဟုတ်ဘူးကွယ့်၊ ဒီနေရာမှာ ပရိတ္တံဆိုတာကို အဋ္ဌကထာက ‘ပရိတ္တန္တိယက္ခာပရိတံ္တ နာဂမဏ္ဍလာဒိဘေဒံ သဗ္ဗမ္ပိ ဝဋ္ဋတိ’ လို့ ဖွင့်တယ်၊ အဓိပ္ပာယ်က ပရတ်ဆိုတာ ဘေးဒဏ်အရံအတားပဲ၊ ဘေးဒဏ်ကိုပြုတက်တဲ့ ဘီလူးသရဲတို့ မလာနိုင်အောင် အကာအကွယ်ပေးတဲ့ မန္တန်မျိုး၊ မြွေနဂါးများမဝင်နိုင်အောင် ဆီးတာခြင်းမျိုးစတဲ့ ဘေးဒဏ်အရံအတားအမှန်သမျှကို ဒီနေရာမှာ ပရိတ်လို့ ဆိုလိုတယ်ကွယ့်”

                        “မှန်ပါ- ဆက်ပြီး အမိန့်ရှိတော်မူပါဦးဘုရား

                        “ဘေးဒဏ် အတားအဆီးအတွက် ရွတ်ဖတ်တဲ့ ပရိတ်ဟာ ဂါထာ မန္တရားမန်းမှုတ်တဲ့ ဇပ္ပနသဘောမျိုးသက်ဝင်လို့ တန္တရအတွင်းပါဝင်တယ်၊ တန္တရမျိုးဟာ သံသရာကလွတ်ကြောင်းမျိုးမဟုတ်ဘူး၊ သံသရာကလွတ်စေနိုင်တဲ့ မဂ်ဖိုလ်တို့ရဲ့ ဆန့်ကျင်ဘက် တိရစ္ဆာနဝိဇ္ဇာမျိုးဖြစ်တယ်၊ သို့သော် သည် တိရစ္ဆာနဝိဇ္ဇာမျိုးက ကျန်းမာရေးကိုအထောက်အပံ့ပေးတယ်၊ ကျန်းမာရေးက မဂ်ဖိုလ်ကို အထောက်အပံ့ပေးတယ်၊ ဒါကြောင့် ဆင်အတက်, မြင်းအတက်, ရထားအတက်, လေးအတက်, အာတဗ္ဗဏစတဲ့ မန္တာန်အတက်များလို သူတစ်ပါးကို ညှဉ်းဆဲဖို့ သန့်သန့်မဟုတ်တဲ့အတွက် အနာပတ္တိဝါရမှာ ဘုရားရှင်က ခွင့်လွှတ်တော်မူထားတယ်” 

                        “အခုပြောဆိုခဲ့တဲ့ စကားက ပရိတ်ဟာ တန္တရမျိုးဖြစ်လို့ ရဟန်းတော်များ မရွတ်ကောင်းဘူးလို့ ထင်မှာစိုးလို့ ပြောဆိုနေခြင်းဖြစ်တယ်၊ အမှန်မှာ ပရိတ်ကို ရဟန်းတော်များရွတ်ဆိုကောင်းတယ်၊ ဘုရားရှင်လက်ထက်တော်က ဝေသာလီပြည်မှာ ရတနသုတ်ပရိတ်တော်ကို အရှင်အာနန္ဒာရွတ်ဆိုခဲ့တာဟာ အလွန်ထင်ရှားပါတယ်၊ ဒါကြောင့် ပရိတ်ရွတ်တာဟာ အလွန်ကောင်းပါတယ်၊ သို့သော်လည်း ပရိတ်ရွတ်ပြီး ဥပသမ္ပဒကမ္မဝါစာ ရွတ်ဖတ်တာကတော့ မဆီလျော်ဘူးကွယ့်”

                        “ဘာကြောင့် မဆီလျော်တာတုန်းဘုရား”

                        ဦးပဉ္စင်းစဉ်းစားကြည့်လေ၊ ဥပသမ္ပကမ္မဝါစာဆိုတာက -

                        (၁)        ဧဟိဘိက္ခူပသမ္ပဒါ             - ဧဟိဘိက္ခူရဟန်း၊

                        (၂)        သရဏဂမနူပသမ္ပဒါ           - သရဏဂုံဖြင့်ဖြစ်သောရဟန်း၊

                        (၃)        သြဝါဒပ္ပဋိဂ္ဂနူပသမ္ပဒါ          -  သြဝါဒခံယူ၍ဖြစ်သောရဟန်း၊

                        (၄)        ပဥှာဗျာကရဏူပသမ္ပဒါ       - ပြဿနာကိုဖြေဆိုခြင်းဖြင့် ဖြစ်သောရဟန်း၊

                        (၅)        အဋ္ဌဂရုဓမ္မပဋိဂ္ဂဟဏူပသမ္ပဒါ           - ဂရုဓံတရား ၈-ပါးကို ဝန်ခံခြင်းဖြင့် ဖြစ်သောရဟန်း၊

                        (၆)        ဒူတေနူပသမ္ပဒါ                 - တမန်ဖြင့် ဖြစ်သောရဟန်း၊

                        (၇)        အဋ္ဌဝါစိကူပသမ္ပဒါ             - ကမ္မဝါစာ ၈-ကြိမ်ဖြင့် ဖြစ်သောရဟန်း၊

                        (၈)        ဉ တ္တိစတုတ္ထကမ္မူပသမ္ပဒါ    - ဉ တ်လျှင် ၄-ကြိမ်မြောက်ဖြစ်သော ဥပသမ္ပဒကမ္မဝါစာဖြင့်

                                                                        ဖြစ်သော ရဟန်း

ရယ်လို့ ရှစ်မျိုးရှိရာမှာ ရှစ်ယောက်မြောက်ရဟန်းဖြစ်ဖို့အတွက် ဘုရားရှင်ပညတ်ထားတဲ့ ကမ္မဝါစာဖြစ်တယ်၊ သည်ကမ္မဝါစာက ဥပသမ္ပဒကံဆောင်ဖို့ သက်သက်မျှသာဖြစ်တယ်၊ အန္တရာယ်ကင်းနှင့် ဘယ်လိုမျှ မပတ်သက်ဘူး ဒါကြောင့် အန္တရာယ်ကင်းနှင့် ဥပသမ္ပဒ ကမ္မဝါစာဟာ မဆီလျော်ဘူးလို့ ဆိုတာပဲကွယ့်”

                        “နို့ - ရှေးဆရာတော်များ ရွတ်ဖတ်ကြတာက ဘယ်လိုသဘောလဲ ဘုရား”   

                        “ရှေးဆရာတော်များက သည်ကမ္မဝါစာကို အန္တရာယ်ကင်းရန်အတွက် မရည်ရွယ်ပါဘူး၊ အန္တရာယ်ကင်းရန်အတွက် ပရိတ်ရွတ်ဖတ်ပြီးဖြစ်ပါတယ် ပရိတ်ရွတ်ပြီးတဲ့နောက် ပရိတ်နာ ဒါယကာများ ဓမ္မဿဝနကုသလိုလ်ဖြစ်ပွားကြဖို့ရည်ရွယ်ပြီး ဥပသမ္ပဒ ကမ္မဝါစာကို ဖတ်ခဲ့ကြခြင်းဖြစ်ပါတယ်”

                        “ပဗ္ဗာဇနိယ ကမ္မဝါစာက ဘယ်လိုပေါ်လာတာလဲ ဘုရား”

                        “တစ်ဆင့်စကားကြားဖူးတာကတော့ မြို့ကြီးတစ်မြို့မှာ ရောဂါကပ်ဆိုးကြီး ဆိုက်ရောက်လာသတဲ့၊ သည်ရောဂါကပ်ဆိုးကင်းငြိမ်းအောင် ရဟန်းတော်များက ပရ်ိတ်အရံအတားနဲ့ ကာကွယ်ကြပေမယ့် ရောဂါကမရပ်ဘူးတဲ့ကွယ်၊ ဒါကြောင့် ဆရာတော်ကြီးတစ်ပါးက အမိန့်တော်ပြန်ပြီး ပဗ္ဗာဇနိယ ကမ္မဝါစာ ရွတ်ဖတ်မှ ဘေးဥပါဒ်အန္တရာယ်ကင်းရှင်းသွားသတဲ့၊ သည်အရေးအခင်းကို အကြောင်းပြုပြီး နောက်နောက်ဆရာတော်များက ရောဂါဝေဒနာကို ပြုတက်တဲ့ အမနုဿခေါ်ကြတဲ့ တစ္ဆေသရဲများအနက် ပရိတ်မေတ္တာနှင့် တားဆီးလို့မရတဲ့ အမနုဿများလည်းရှိတယ်၊ မေတ္တာကိုအရေးမထားတဲ့ အမနုဿများလည်းရှိတယ်၊ မေတ္တာကို အရေးမထားတဲ့ အမနုဿများကိုတော့ ပဗ္ဗာဇနိယ ကမ္မဝါစာနှင့် နှင်ထုတ်မှ ဖြစ်မှာပဲလို့ သဘောပေါက်လာကြပြီး ပရိတ်ရဲ့အခြားမဲ့မှာ ပဗ္ဗာဇနိယ ကမ္မဝါစာကို ရွတ်လာကြတယ်၊ ဒါပေသိ ဆဋ္ဌသင်္ဂါယနာတင်ပြီးနောက်ပိုင်းကျတော့ ရဟန်းတော်များဟာ ပဗ္ဗဇနီယ ကမ္မဝါစာကို အသုံးနည်းလာကြပြီး ပဗ္ဗဇနီယ ကမ္မဝါစာအစား အနန္တရာယိက ကမ္မဝါစာကို အသုံးများနေကြတယ် ကွယ့်”  

                        “ပဗ္ဗဇနီယကမ္မဝါစာရော, အနန္တရာယိက ကမ္မဝါစာရော ဘုရားပညတ်တာ မဟုတ်ပါဘူး ဘုရား၊ ဘုရား မပညတ်ပါဘဲ ပညတ်သလို ကမ္မဝါစာ အသစ်ဖတ်ရွတ်ကြတာဟာ အပြစ်ဖြစ်မကုန်ဘူးလား ဘုရား”

                        “အန္တရာယ်ကင်းအတွက် တန္တရပရိတ်မျိုးတောင် ဘုရားရှင်ခွင့်လွှတ်တော်မူသေးတာ ကမ္မဝါစာရွတ်ဖတ်ရုံနှင့်တော့ အပြစ်မဖြစ်ပါဘူးကွယ့်”

                        “မှန်ပါ - အပြစ်မဖြစ်လျှင် အနာကုလာ စ ကမ္မန္တာ ဧတံ မင်္ဂလမုတ္တမံ-ဆိုတဲ့ မင်္ဂလသုတ်တော်အရ မင်္ဂလာအတွင်းမှာ ပါဝင်တဲ့အတွက် ရွတ်ဖတ်သင့်တာပေ့ါဘုရား၊ သည်ပုစ္ဆာတော့ ရှင်းပါပြီ၊ ဒုတိယမေးခွန်းကို လျှောက်ထားခွင့် ပြုတော်မူပါဦး ဘုရား”

***ဆက်ရန်**

ယနေ့ဗုဒ္ဓဝါဒဆိုင်ရာ အမေးအဖြေများ - အမှတ်စဉ်(၁၈) - သာသနိကပစ္စည်း

***ကောက်နုတ်ချက်***

နိုင်ငံတော် သြဝါဒါစရိယ၊ မြန်မာစာသြဝါဒါစရိယ

ထီးချိုင့်မြို့ - တည်တောဆရာတော်ဘုရားကြီး

ယနေ့ဗုဒ္ဓဝါဒဆိုင်ရာ အမေးအဖြေများ အတွဲ(၁) (စာမျက်နှာ ၁၄၂-၁၄၉)မှ ကောက်နုတ်ပူဇော်ပါသည်။

ဤ အမေး-အဖြေ အား ကိုယ်တိုင်ပြန်လည်ရေးသား၍

ထီးချိုင့်မြို့ - တည်တောဆရာတော်ဘုရားကြီး နှင့် တကွ

ဆရာ- အရှင်တေဇာနန္ဒ(Tay Ling) တို့အား ပြန်လည်ကျေးဇူးပြုပူဇော်အပ်ပါသည်။

(ကပ္ပိယ-မောင်ရဲ)

Thursda, August 30,2012        1:10 pm

https://www.facebook.com/yewin.tun.71 

http://kpymgye.blogspot.com/